FAI CLIC E DESCUBRE O NOVO DESEÑO DA WEB CULTURAL NOTICIASOROSAL.ES

Noticias O Rosal estreou o 7 de marzo novo deseño e contidos. Este blog manterase na rede, de momento, ata novo aviso, como complemento á páxina web

A VILA DO ROSAL DESPIDE CON EMOCIÓN A JOSÉ MARTÍNEZ GONZÁLEZ "PEPIÑO BERDEAL"

O ex-funcionario do Concello do Rosal e presidente da Asociación de Comerciantes da vila, era un dos veciños máis apreciados dos últimos tempos

VITORIA DE GABRIEL MARCELLI EN LLEIDA NO CAMPIONATO DE ESPAÑA DE TRIAL

O piloto rosaleiro vence na categoría júnior na proba valedeira para o “Spa RFME Campeonato de España de Trial Individual 2015”

ACTO DE CLAUSURA DO CURSO DE MONITOR DE FÚTBOL BASE CELEBRADO EN O ROSAL

A Casa Consistorial acolleu a entrega de diplomas e clausura do Curso coa presenza dos coordinadores José Luis Mosquera e Manuel Mosquera.

MÁXIMA EXPECTACIÓN ANTE A CHEGADA DA SEXTA EDICIÓN DA CARPA CARNAVAL DE FORNELOS

Entre outros, actuarán dende o venres 13 ata o martes 17 de febreiro, nestas Festas de Entroido: Traffic House, Dj Carlie, Diego Mei, Vallejo, Micy Dj, etc

A PRAZA DO CALVARIO ACOLLEU A VISITA E RECEPCIÓN DOS REIS MAGOS DE ORIENTE

As Súas Maxestades estiveron durante horas na vila do Rosal repartindo multitude de agasallos a pequenos e maiores, entre eles, libros e lambetadas

A ROMARÍA DE SAN MARTIÑO 2014 EN O ROSAL CELEBROUSE O DOMINGO 30 DE NOVEMBRO

A saída do Santo en procesión dende a igrexa parroquial de Santa Mariña, na Praza do Calvario, ata a súa ermida, foi ás 10:30 horas.

O PILOTO ROSALEIRO GABRIEL MARCELLI PROCLÁMASE TRICAMPIÓN DE ESPAÑA DE TRIAL

Gabriel Marcelli Carballido adxudícase o título tras vencer en Cabanillas de la Sierra (Madrid). Tamén consegue ser Campión Galego por quinta vez.

PRESENTACIÓN DA SEGUNDA EDICIÓN DO EVENTO DEPORTIVO “15K DEL ATLÁNTICO”

A carreira e a andaina 15k del Atlántico celébranse este domingo 5 de outubro percorrendo os concellos de Oia, O Rosal e A Guarda

O ESPECIALISTA DEFENSIVO ARKAITZ VARGAS FICHA POLO ACANOR ATLÉTICO NOVÁS

Na imaxe da presentación, Manolo “Campelo”, Moncho Vicente, Andrés Senra, Daniel Martínez, Arkaitz Vargas, Roberto Fernández e Modesto Augusto

ÉXITO TOTAL DA I EDICIÓN DA ANDAINA E CARREIRA “10K O ROSAL. FEIRA DO VIÑO”

Na imaxe, os gañadores absolutos da carreira 10k O Rosal Feira do Viño. No máis alto do pódium, Nuno Costa e Paula Mayobre. Más info neste enlace.

OS COORDINADORES DO 10K O ROSAL, ENTREVISTADOS NA RADIO MUNICIPAL DE TUI

Os rosaleiros Juan Ramón Martínez Barbosa, Óscar Vicente Rodríguez e Serafín Martínez Acevedo falaron da andaina e da carreira nos estudos da RMT

REPORTAXE FOTOGRÁFICA DA XIV ANDAINA “VAL DO ROSAL. O PARAÍSO DENDE AS ALTURAS”

Na imaxe, os participantes desta andaina, que visitaron o punto máis alto da vila, nos montes do Campo do Couto e os petroglifos próximos á Fonte do Home.

NOVA VITORIA DE GABRIEL MARCELLI CARBALLIDO NO CAMPIONATO DE ESPAÑA DE TRIAL

O piloto rosaleiro, imparable, é o favorito para facerse -por terceira vez- co Campionato de España de Trial. As próximas citas, Vila de Cruces e Andorra.

O ROSAL E O ATLÉTICO NOVÁS QUEREN FACER HISTORIA, por Juan Ramón Martínez Barbosa

Artigo do director de Noticias O Rosal, onde fala da Fase de Ascenso á División de Honor Prata do balonmán nacional que se celebra os días 2, 3 e 4 de maio

DEPORTISTAS E CLUBS, HOMENAXEADOS NO II RECOÑECEMENTO AO MÉRITO DEPORTIVO

O pasado sábado 12 de abril o Auditorio Municipal acolleu os premios aos mellores deportistas e clubs da vila. Na imaxe, autoridades e homenaxeados.

REPORTAXE FOTOGRÁFICA DA XIII ANDAINA O ROSAL. COÑECE O TEU CONCELLO

A vindeira andaina deportivo-cultural pola vila do Rosal celebrarase o vindeiro sábado 10 de maio, con saída dende o Alto da Portela (Marzán)

O 12 DE ABRIL CELÉBRASE O II ACTO DE RECOÑECEMENTO AO MÉRITO DEPORTIVO DO ROSAL

Na imaxe de 2011, na I edición, Gerardo Álvarez (ciclismo), Manolo Armán (balonmán) e Félix Piñel (atletismo) reciben os premios “Mención de Honra”.

ACTUACIÓN DO GRUPO ADREDDE NA FESTA DE ENTROIDO 2014 DE FORNELOS (O ROSAL)

O sábado 1 de marzo achegámonos ata Fornelos para ver en directo a animada actuación do Grupo Adredde e comprobar o ambientazo de Entroido

O LIBRO “MOLINOS” PRESÉNTASE EN PONTEVEDRA CON MENCIÓN ESPECIAL PARA O ROSAL

A nosa vila estivo representada polo alcalde, Jesús Mª Fernández Portela, así como por Tamuxe e Juan Ramón, autores do libro da historia dos Muíños do Folón-Picón

O ENTROIDO DE FORNELOS 2014, SERÁ, SEN DÚBIDA, DOS MÁIS ESPECTACULARES DA HISTORIA

Impresionante programa de Festas, con orquestras e grupos musicais, actuacións para nenos, Corrida do Galo, Frixidelas e como non, a 5ª edición da CARPA.

O ROSAL HOMENAXEA AO CICLISTA RAÚL FERNÁNDEZ, CAMPIÓN DE GALICIA E DE ESPAÑA

Na imaxe, Raúl Fernández na compaña dos seus compañeiros e directivos do Club Ciclista O Rosal, na recepción ofrecida no Concello.

RAÚL FERNÁNDEZ PROCLÁMASE EN CASTELLÓN CAMPIÓN DE ESPAÑA DE CICLOCROSS

Na imaxe, Raúl, flanqueado á esquerda polo exciclista profesional Serafín Martínez Acevedo e á dereita polo triatleta internacional, Óscar Vicente Rodríguez.

PROXIMAMENTE ANUNCIARASE A DATA DA II RUTA GUIADA ORGANIZADA POR NOTICIAS O ROSAL

A I Ruta Guiada Noticias O Rosal levou aos participantes a coñecer todos os segredos da ruta e historia dos emblemáticos Muíños do Folón e do Picón.

OS REIS MAGOS REPARTEN AGASALLOS A CENTOS DE NENOS/AS EN O ROSAL

Reportaxe fotográfica (máis de 300 imaxes) da visita e recepción na vila do Rosal de Melchor, Gaspar e Baltasar.

NOVO CONXUNTO DE GRAVADOS CRUCIFORMES NO LUGAR DAS CORTES

O historiador rosaleiro Xoán Martínez Tamuxe fala no seu blog deste achádego, recreación da cruz cristiá (séculos IV-V d. C.)

SERGIO RODRÍGUEZ, NETO DO CABAQUEIRO MANUEL "TRINTIÑA", INAUGURA “O BAR DO TRINTA"

Na imaxe, Serafín Martínez Acevedo (exciclista profesional e emprendedor deportivo), con Sergio (xerente do Bodegón-Tapería Os Seixiños. O Bar do Trinta).

TABAGÓN EN FESTAS (DÍAS 29, 30 E 31)

EN PROBAS

EN PROBAS

31 mar 2015

O rosaleiro Óscar Vicente, Subcampión de España de Duatlón por equipos

Óscar (2º pola dereita) e o seu equipo. (Foto: Diario de Mallorca)

O deportista rosaleiro Óscar Vicente Rodríguez (Mallorcatraining M3T Bimont-3G) vén de proclamarse esta fin de semana en Avilés subcampión de España de Duatlón por equipos, categoría élite, modalidade contrarreloxo.

Tal e como se pode ler no Diario de Mallorca, o conxunto -ademais do noso veciño- estaba formado por Miguel Miniño, Biel Oliver, Andreu Marimon e Andreas Lindén.




Máis información, aquí.


O Rosal acolle o sábado 4 de abril o V Torneo Fútbol Infantil U.D. Ribera


O Estadio Municipal da Mata (O Rosal) acollerá este sábado 4 de abril o V Torneo Fútbol Infantil U.D. Ribera coa participación dos seguintes equipos: 

Pontevedra C.F. (gañador da última edición)
Pabellón Ourense C.F.
Porriño Industrial F.C. 
E.D. Val Miñor
Sporting Guardés
Coruxo F.c.
C.D. Areosa
U.D. Ribera (anfitrión)

Máis información aquí.

19 mar 2015

O coro Ecos do Folón de Fornelos cantará na misa de San José en Novás


Este venres 20 de marzo, a partir das 12:30 horas o coro Ecos do Folón (Fornelos-O Rosal) que dirixe Jorge Fernández González actuará en Novás con motivo das Festas na honra de San José.

Máis información desta festividade, aquí.

10 mar 2015

O día 20, Concerto "Inspiracións" da banda da Agrupación Musical do Rosal



Informa: Agrupación Musical do Rosal

O vindeiro día 20 de marzo ás 18:30 horas terá lugar un concerto no Auditorio a cargo da banda de música da Agrupación Musical do Rosal baixo a dirección de Carlos Ramón Pérez.

O concerto leva por nome "Inspiracións" e consta dun programa variado centrado en dúas das principais fontes de inspiración para os autores de música de banda: a inspiración nos clásicos e a inspiración na música de jazz.

Interpretaranse obras de James Barnes, Alfred Reed, Jacob de Haan, Robert Jager, J.S. Bach, J. Vicente Egea e Eric Whitacre. 

8 mar 2015

Festas de San José en Novás no XX aniversario da publicación do seu libro


O xoves 19 de marzo, coa apertura da cantina ás 22:00 horas, dará comezo a Festa de San José na xuradía de Novás.

O venres 20 de marzo celebrarase a misa na honra do santo ás 12:30 horas, sendo cantada polo coro Ecos do Folón

A cantina estará aberta en compaña dun "pulpeiro".


Este 2015 cúmprense 20 anos da publicación do libro Ermita de San José de Ventosela. Apuntes históricos, da autoría do investigador rosaleiro Xoán Martínez Tamuxe.

A obra comeza cunha particular dedicatoria: "vaya en homenaje y recuerdo del carísimo amigo Perfecto Álvarez Rivero, excepcional devoto de San José y preocupado siempre por la solemnidad del culto anual al Santo Patrono de Novás y de la conservación de la capilla de Ventosela"

O motivo desta primeira monografía sobre a historia dunha ermida rosaleira foi, segundo se reflicte no libro, "conmemorar el III centenario de la Fundación de la Capellanía y Capilla de San José de Ventosela".

5 mar 2015

Actuación do grupo de baile Xamaraina no Auditorio Municipal do Rosal


O grupo de baile Xamaraina, ao igual que o pasado ano 2014, volverá a actuar no Auditorio do Rosal con motivo do Día Internacional dos Dereitos da MullerA cita, este sábado 7 de marzo ás 20:00 horas.

Os Muíños do Folón-Picón, protagonistas dun documental de Miño Films


DOCUMENTAL SOBRE OS MUÍÑOS DO FOLÓN-PICÓN  

O conxunto histórico-etnográfico dos 67 Muíños do Folón-Picón (O Rosal, Pontevedra) será o protagonista dun documental que xa se atopa na fase de gravación e que conta –entre outros- coa colaboración do Concello do Rosal, da Comunidade de Montes de Santa Mariña e de O.L.V.R.
Coordinado pola produtora audiovisual rosaleira Miño Films, o documental pretende “divulgar e dar a coñecer este patrimonio dos nosos antepasados. Contribuir ao non esquecemento e posta en valor dun enclave dunha excepcional categoría, único no mundo”.
A rodaxe, que comezou en novembro do pasado ano, continuará ata finais do 2015 con gravacións durante todas as estacións do ano, con entrevistas a muiñeiros, escritores, aventureiros, visitantes “e todas aquelas persoas que tiveron algo que ver en que este conxunto sexa un referente, cando menos, no Baixo Miño e en Galicia”.

 
Hai uns días o proxecto publicouse en internet, nunha plataforma para proxectos creativos coa intención de conseguir financiamento. Dende Miño Films anímase a ser partícipe deste documental, agasallando con diferentes recompensas, para quen desexe colaborar, que van dende o agradecemento nos créditos finais ata camisetas, DVDS, ceas para dúas persoas, rutas guiadas polos Muíños e mesmo reserva de butaca dobre na súa estrea.
http://www.verkami.com/projects/10984-documental-muinos-do-folon-picon.

Podes facer as túas aportacións para a realización do documental nesta conta:
"La Caixa" ES94 2100 4959 3321 0022 8834



Todo o relacionado co documental dos Muíños do Folón-Picón pódese ver nos seguintes enlaces:
Blog: http://www.documentalmuinhos.blogspot.com.es

En facebook. Documental Muíños do Folón-Picón:
https://www.facebook.com/documentalfolonpicon

Máis información: minhofilms@gmail.com 

4 mar 2015

"Os Broders" ofrecerán este sábado 7 un concerto no Bar A Competencia

Foto: Os Broders

Este sábado 7 de marzo o Bar-Tapería A Competencia, rexentado por José Enrique Rodríguez Vicente, acollerá a partir das 21:30 horas un novo concerto do grupo musical "Os Broders", que chegarán á nosa vila dende o Barco de Valdeorras (Ourense). A entrada é libre.

O Acanor Novás encoméndase en O Rosal "á mellor afección da categoría"

A incondicional afección do Novás soña cunha nova Fase de Ascenso 

POLA MÍNIMA


Informa: Acanor Atlético Novás

Así se levan decidido os dous compromisos que disputaron Acanor Novás e Balonmán Cisne ata o de agora. No torneo estival que organiza o equipo rosaleiro ambos conxuntos acadaron a final, que  se resolveu pola mínima (27-26), a prol dos locales. Na primeira volta da competición doméstica a palma levousa a entidade que preside por enésima tempada, Santiago Picallo (26-25).

Era a oitaba xornada e con esa derrota o Novás sumaba a terceira consecutiva e a cuarta da tempada, deixando o equipo nunha novena posición a sete puntos dos postos que dan o billete ao sector, moi lonxe das expectativas creadas.

A pesar dos dous puntos perdidos, os de Modesto viñeron de volta coa sensación de que mereceron máis. E é que realizaran un gran encontro e tiveron varias ocasións de, a lo menos, conseguir un punto, pero a presión creada pola necesidade de vencer dados os resultados os interiores, impediron un premio que mereceron.

Sen embargo, ese encontro marcou un antes e un despois. Logo de esa derrota, o Acanor non volveu a coñecer ese amargo sabor e cumplese unha volta na que tan sólo cedeu un punto, en Chapela, e as opcións de sector foron crecendo ao par que melloraba o xogo do equipo, ata o punto de ocupar actualmente a terceira posición empatado a puntos co segundo clasificado, Seis do Nadal.



Para dous xogadores, un en cada equipo, o compromiso deste sábado será especial porque se enfrentan aos seus ex-equipos. Do lado local Kevin García e enfronte, Carlos Rodríguez, canteirán, que por segundo ano defende a camiseta da escuadra pontevedresa, a sua primeira experiencia como senior fóra do Rosal, que califica 'de forma moi positiva, xa que as novas experiencias sempre veñen ben. Ademais no deportivo agora mesmo non pode ir mellor. Estou moi contento e teño moita sorte de estar aquí. Estanme a tratar xenial e é de agradecer'.


Sobre o momento no que chega o Acanor á cita, para Kevin, que vestiu a elástica do Cisne fai xa 13 anos, 'claro que cambiou. Levamos unha moi boa traxectoria, non só na clasificación se non tamén no xogo, e sería importante continuala este sábado. Pola súa parte, seguen na mesma liña, non tiveron alti baixos en toda a campaña e seguro que saen ao 100%'.


Todo apunta a que volverá a ser un partido moi igualado, no que  'a afección, que está a demostrar que é a mellor da categoría e en todo momento está aí, xogará un papel importante. Se seguimos así e co seu apoio teremos moitas opcións de doblegar ao líder'.

Un líder que se está a amosar máis sólido cada xornada que pasa. Sólo cedeu dous puntos no que vai de campaña, pero 'Charli' non se fía. 'Matemáticamente non hai ningún equipo clasificado. É certo que estamos nunha moi boa posición pero todavía pode pasar de todo, e ata o sexto cualquera pode meterse'. 


Kevin tamén pensa que 'será moi dificil que o primeiro posto se lle escape aos de Edín. Tiñan que facer todo mal agora de golpe, e non creo que se dea o caso. A segunda praza si pode ser outro cantar'.

El máis que ninguén, agarda de forma 'especial este encontro. Ademáis de con moito respeto. Nunca é doado xogar contra o Novás e menos na súa cancha'.

Cabe recordar que o partido deste sábado será ás 20:00 h, logo do convenio co Mecalia Guardés.

Xa profundizando na plantilla rival, o que máis teme o gardarredes rosaleiro 'é a comunión que lograron formar. Teñen un grupo que aúna experiencia e xuventude e conseguiron unificala de maneira óptima, e está a verse reflectido no campo. Ademais hai xogadores que marcan diferencias en momentos puntuales, como Rafa Dasilva ou a portería'. Mención especial para o sexto máximo goleador do grupo, 'Andrés Sánchez, un xogador con menos nome pero que está a facer un ano espectacular. Ademais de ter gol é moi completo, está axudando moito aos seus'.

A excepción de Dani Puente, lesionado precisamente ante o Novás, Edín terá a todos os seus efectivos disponibles para este sábado, incluída a súa última incorporación, Bruno Montesinos, ex xogador do Cisne que actualmente militaba nas filas do Rasoeiro, e que chegou para fortalecer a parcela defensiva.



O que si podería chegar para a cita tan complicada é David Lechuga, alonxado das pistas toda a segunda volta por unha lesión de xeonllo e que apura os últimos prazos da sua recuperación, e que se uniría a unha lista na que Manu Martínez e Arkaitz Vargas tamén están totalmente recuperados.

O club agarda unha gran entrada, coma sempre nestes encontros, e cunha afección novamente ilusionada coa posibilidade de xogar un novo sector, aínda que polo momento, dende a directiva amósanse cautelosos.


Resto de encontros

A excepción de alevíns, que descansarán este fin de semana, e o equipo de autonómica, que se despraza a Chapela (sábado, 20:00 h), todas as categorías disputarán os seus compromisos en O Rosal. Os primeros, o Muebles Costa (infantil), que quere olvidar a derrota do sábado. E pola tarde, antes do prato forte, Vintanox (cadete) e Xanelux-Novo Portiño (xuvenil), reciben aos seus homólogos do Moaña.




Novos colaboradores

Dende hai un par de semanas, na pista do Municipal lucen vinilos coa imaxe corporativa de varios colaboradores.

A clínica de fisioterapia Altair Rodríguez Castro, con local en A Gándara (A Guarda) e con persoal experimentado e en contínua formación, e Alfinox, empresa especializada en construcións metálicas e que conta con obreiros experimentados, firmaron un convenio de colaboración co club para este 2015.

Non son os únicos, xa que a hostelería tamén tendeu a man ao Acanor Atlético Novás. A Bocatería Barros, con locales en A Guarda e Sandián, é un punto de encontro dende primeira hora da mañá ata altas horas; o Restaurante Area Grande, que reside na praia que recibe ese mesmo nome, ideal para menú do día ou cunha carta cos mellores peixes e mariscos.

Tamén na praia, esta vez en Camposancos, o Hotel El Molino e a adega que recibiu o premio ao mellor viño galego de 2014, Quinta de Couselo.


A Xunta Directiva quere agradecer o apoio amosado.

3 mar 2015

Parabéns á rosaleira Argentina Álvarez Vicente, que vén de cumprir 100 anos


Segundo lemos na páxina web municipal, "a rosaleira Argentina Álvarez Vicente, foi homenaxeada e felicitada polo Concello do Rosal o venres 27 de febreiro con motivo do 100 aniversario do seu nacemento (27-2-1915).

Ata a casa de Argentina en Pancenteo (Marzán) se achegaron a tenente de alcalde e concelleira de Servizos Sociais, Mª Carmen Alonso e a responsable de Cultura, Charo Tabales Perozo.

A nosa veciña centenaria, nun sinxelo pero emotivo acto coa súa familia, foi obsequiada, en nome de todos os rosaleiros/as, cunha fermosa figura de porcelana e un ramo de flores. 

¡Parabéns Argentina por eses 100 aniños!"

¡Dende Noticias O Rosal sumámonos a estaa felicitación!


Reportaxe fotográfica da "Andaina de Santa Cruz a San Lourenzo"


Velaquí vos deixamos o enlace á reportaxe fotográfica realizada polo guía rosaleiro nesta "1ª Andaina de Santa Cruz A San Lourenzo", organizada conxuntamente polos concellos de A Guarda, O Rosal e Tomiño.



Vitoria de Gabriel Marcelli en Lleida no Campionato de España de Trial


Foto: Gabriel Marcelli // J.C. Vázquez

O piloto rosaleiro Gabriel Marcelli Carballido, en categoría júnior, vén de conseguir unha vitoria na proba celebrada esta fin de semana en La Clua de Basella (Lleida), valedeira para o "SPA RFME Campeonato de España de Trial Individual 2015".

Foto: J.C. Vázquez

Velaquí vos deixamos un enlace coa crónica deste evento, publicada na web oficial da Federación Galega de Motociclismo.

¡¡Dende Noticias O Rosal, unha vez máis, parabéns Gabriel!!