FAI CLIC E DESCUBRE O NOVO DESEÑO DA WEB CULTURAL NOTICIASOROSAL.ES

Noticias O Rosal estreou o 7 de marzo novo deseño e contidos. Este blog manterase na rede, de momento, ata novo aviso, como complemento á páxina web

A VILA DO ROSAL DESPIDE CON EMOCIÓN A JOSÉ MARTÍNEZ GONZÁLEZ "PEPIÑO BERDEAL"

O ex-funcionario do Concello do Rosal e presidente da Asociación de Comerciantes da vila, era un dos veciños máis apreciados dos últimos tempos

VITORIA DE GABRIEL MARCELLI EN LLEIDA NO CAMPIONATO DE ESPAÑA DE TRIAL

O piloto rosaleiro vence na categoría júnior na proba valedeira para o “Spa RFME Campeonato de España de Trial Individual 2015”

ACTO DE CLAUSURA DO CURSO DE MONITOR DE FÚTBOL BASE CELEBRADO EN O ROSAL

A Casa Consistorial acolleu a entrega de diplomas e clausura do Curso coa presenza dos coordinadores José Luis Mosquera e Manuel Mosquera.

MÁXIMA EXPECTACIÓN ANTE A CHEGADA DA SEXTA EDICIÓN DA CARPA CARNAVAL DE FORNELOS

Entre outros, actuarán dende o venres 13 ata o martes 17 de febreiro, nestas Festas de Entroido: Traffic House, Dj Carlie, Diego Mei, Vallejo, Micy Dj, etc

A PRAZA DO CALVARIO ACOLLEU A VISITA E RECEPCIÓN DOS REIS MAGOS DE ORIENTE

As Súas Maxestades estiveron durante horas na vila do Rosal repartindo multitude de agasallos a pequenos e maiores, entre eles, libros e lambetadas

A ROMARÍA DE SAN MARTIÑO 2014 EN O ROSAL CELEBROUSE O DOMINGO 30 DE NOVEMBRO

A saída do Santo en procesión dende a igrexa parroquial de Santa Mariña, na Praza do Calvario, ata a súa ermida, foi ás 10:30 horas.

O PILOTO ROSALEIRO GABRIEL MARCELLI PROCLÁMASE TRICAMPIÓN DE ESPAÑA DE TRIAL

Gabriel Marcelli Carballido adxudícase o título tras vencer en Cabanillas de la Sierra (Madrid). Tamén consegue ser Campión Galego por quinta vez.

PRESENTACIÓN DA SEGUNDA EDICIÓN DO EVENTO DEPORTIVO “15K DEL ATLÁNTICO”

A carreira e a andaina 15k del Atlántico celébranse este domingo 5 de outubro percorrendo os concellos de Oia, O Rosal e A Guarda

O ESPECIALISTA DEFENSIVO ARKAITZ VARGAS FICHA POLO ACANOR ATLÉTICO NOVÁS

Na imaxe da presentación, Manolo “Campelo”, Moncho Vicente, Andrés Senra, Daniel Martínez, Arkaitz Vargas, Roberto Fernández e Modesto Augusto

ÉXITO TOTAL DA I EDICIÓN DA ANDAINA E CARREIRA “10K O ROSAL. FEIRA DO VIÑO”

Na imaxe, os gañadores absolutos da carreira 10k O Rosal Feira do Viño. No máis alto do pódium, Nuno Costa e Paula Mayobre. Más info neste enlace.

OS COORDINADORES DO 10K O ROSAL, ENTREVISTADOS NA RADIO MUNICIPAL DE TUI

Os rosaleiros Juan Ramón Martínez Barbosa, Óscar Vicente Rodríguez e Serafín Martínez Acevedo falaron da andaina e da carreira nos estudos da RMT

REPORTAXE FOTOGRÁFICA DA XIV ANDAINA “VAL DO ROSAL. O PARAÍSO DENDE AS ALTURAS”

Na imaxe, os participantes desta andaina, que visitaron o punto máis alto da vila, nos montes do Campo do Couto e os petroglifos próximos á Fonte do Home.

NOVA VITORIA DE GABRIEL MARCELLI CARBALLIDO NO CAMPIONATO DE ESPAÑA DE TRIAL

O piloto rosaleiro, imparable, é o favorito para facerse -por terceira vez- co Campionato de España de Trial. As próximas citas, Vila de Cruces e Andorra.

O ROSAL E O ATLÉTICO NOVÁS QUEREN FACER HISTORIA, por Juan Ramón Martínez Barbosa

Artigo do director de Noticias O Rosal, onde fala da Fase de Ascenso á División de Honor Prata do balonmán nacional que se celebra os días 2, 3 e 4 de maio

DEPORTISTAS E CLUBS, HOMENAXEADOS NO II RECOÑECEMENTO AO MÉRITO DEPORTIVO

O pasado sábado 12 de abril o Auditorio Municipal acolleu os premios aos mellores deportistas e clubs da vila. Na imaxe, autoridades e homenaxeados.

REPORTAXE FOTOGRÁFICA DA XIII ANDAINA O ROSAL. COÑECE O TEU CONCELLO

A vindeira andaina deportivo-cultural pola vila do Rosal celebrarase o vindeiro sábado 10 de maio, con saída dende o Alto da Portela (Marzán)

O 12 DE ABRIL CELÉBRASE O II ACTO DE RECOÑECEMENTO AO MÉRITO DEPORTIVO DO ROSAL

Na imaxe de 2011, na I edición, Gerardo Álvarez (ciclismo), Manolo Armán (balonmán) e Félix Piñel (atletismo) reciben os premios “Mención de Honra”.

ACTUACIÓN DO GRUPO ADREDDE NA FESTA DE ENTROIDO 2014 DE FORNELOS (O ROSAL)

O sábado 1 de marzo achegámonos ata Fornelos para ver en directo a animada actuación do Grupo Adredde e comprobar o ambientazo de Entroido

O LIBRO “MOLINOS” PRESÉNTASE EN PONTEVEDRA CON MENCIÓN ESPECIAL PARA O ROSAL

A nosa vila estivo representada polo alcalde, Jesús Mª Fernández Portela, así como por Tamuxe e Juan Ramón, autores do libro da historia dos Muíños do Folón-Picón

O ENTROIDO DE FORNELOS 2014, SERÁ, SEN DÚBIDA, DOS MÁIS ESPECTACULARES DA HISTORIA

Impresionante programa de Festas, con orquestras e grupos musicais, actuacións para nenos, Corrida do Galo, Frixidelas e como non, a 5ª edición da CARPA.

O ROSAL HOMENAXEA AO CICLISTA RAÚL FERNÁNDEZ, CAMPIÓN DE GALICIA E DE ESPAÑA

Na imaxe, Raúl Fernández na compaña dos seus compañeiros e directivos do Club Ciclista O Rosal, na recepción ofrecida no Concello.

RAÚL FERNÁNDEZ PROCLÁMASE EN CASTELLÓN CAMPIÓN DE ESPAÑA DE CICLOCROSS

Na imaxe, Raúl, flanqueado á esquerda polo exciclista profesional Serafín Martínez Acevedo e á dereita polo triatleta internacional, Óscar Vicente Rodríguez.

PROXIMAMENTE ANUNCIARASE A DATA DA II RUTA GUIADA ORGANIZADA POR NOTICIAS O ROSAL

A I Ruta Guiada Noticias O Rosal levou aos participantes a coñecer todos os segredos da ruta e historia dos emblemáticos Muíños do Folón e do Picón.

OS REIS MAGOS REPARTEN AGASALLOS A CENTOS DE NENOS/AS EN O ROSAL

Reportaxe fotográfica (máis de 300 imaxes) da visita e recepción na vila do Rosal de Melchor, Gaspar e Baltasar.

NOVO CONXUNTO DE GRAVADOS CRUCIFORMES NO LUGAR DAS CORTES

O historiador rosaleiro Xoán Martínez Tamuxe fala no seu blog deste achádego, recreación da cruz cristiá (séculos IV-V d. C.)

SERGIO RODRÍGUEZ, NETO DO CABAQUEIRO MANUEL "TRINTIÑA", INAUGURA “O BAR DO TRINTA"

Na imaxe, Serafín Martínez Acevedo (exciclista profesional e emprendedor deportivo), con Sergio (xerente do Bodegón-Tapería Os Seixiños. O Bar do Trinta).

TABAGÓN EN FESTAS (DÍAS 29, 30 E 31)

EN PROBAS

EN PROBAS

25 abr 2014

O 10 DE MAIO, XIV ANDAINA “VAL DO ROSAL. O PARAÍSO DENDE AS ALTURAS”


A XIV Andaina “Val do Rosal. O Paraíso dende as alturas” do programa deportivo-cultural “O Rosal. Coñece o teu concello” que estaba prevista para o 26 de abril, aprázase por mal tempo, en principio, ata o vindeiro sábado 10 de maio de 2014.

Nesta ocasión percorreranse os montes do Campo do Couto, subindo ao punto máis alto e estratéxico da vila, onde se poderá disfrutar dunha impresionante e marabillosa paisaxe cara ao Val do Rosal e á desembocadura do río Miño.

Igualmente visitaranse algúns dos últimos petróglifos descubertos –de época histórica-, en concreto un grupo de gravados cruciformes, moi preto da “Fonte do Home”, no lugar das Cortes, que datan dos séculos IV-V despois de Cristo.


A distancia total da andaina será duns 12 km aproximadamente, de dificultade media e cunha duración aproximada de 3 horas.

Como de costume, a saída terá lugar ás 15:30 horas. O punto de partida e de estacionamento dos vehículos será o Alto da Portela (xuradía de Marzán).

A andaina está organizada polo Concello do Rosal e ao igual que as anteriores, estará guiada por Juan Ramón Martínez Barbosa, que ofrecerá as correspondentes explicacións históricas durante todo o percorrido e nos desvelará algúns dos curiosos segredos e lendas destes fermosos enclaves.

Para apuntarse a este percorrido -inscrición gratuíta- e para máis información, poden achegarse ata o Concello ou chamar ao 986 62 50 00, deixando nome e apelidos así como un teléfono de contacto.

SHOW DE BACHATA SENSUAL DE "JOSE & ROSY" NO SINGULAR (A GUARDA)



Os bailaríns rosaleiros, Jose & Rosy, recoñecidos artistas internacionais, actuarán este venres 25 de abril, á noite, no Singular (A Guarda) ofrecendo un "Show de bachata sensual", a bo seguro, un espectáculo digno de presenciar.


Xa o domingo 27, Jose & Rosy desprazaranse ata Barcelona para actuar no Esencia Salsa Club.

¡Dende Noticias O Rosal, moitos éxitos e de novo a nosa noraboa!

24 abr 2014

FESTAS DE "SAN JOSÉ OBREIRO" EN NOVÁS (30 DE ABRIL E 1 DE MAIO)


O mércores 30 de abril e o xoves 1 de maio terán lugar en Novás (O Rosal) as agardadas festas na honra de "San José Obreiro".

O día 30, gran verbena a cargo das orquestras ISMAEL e ALCÁZAR, que se prolongará ata altas horas da madrugada.

O día 1 de maio, ás 11:30 horas, acompañado do GRUPO DE GAITAS A BOALLEIRA, baixada do Santo en procesión ata a Praza, onde se celebrará ás 12:00 horas unha Misa de Campaña na honra de San José, cantada pola coral ECOS DO FOLÓN.

Xa a partir das 18:00 horas, de novo actuación do grupo de gaitas A BOALLEIRA

A continuación, actuará o MAGO RICHARD e procederase á tradicional "Subasta de productos típicos".

O ROSAL CELEBRA ESTE DOMINGO 27 DE ABRIL A SÚA XI FEIRA DO LIBRO




O vindeiro domingo 27 de abril celebrarase a XI Feira do Libro do Rosal, que se organiza anualmente dende a concellaría de Cultura que preside Charo Tabales Perozo.

A partir das 12 da mañá, contacontos, maxia e guiñol. Xa a partir das 17:00 horas, obradoiro de "marcapáxinas monstruosos".

Durante todo o día haberá un desconto do 20% na merca de libros.

CINE NO ROSAL. PROXECCIÓN DA PELÍCULA "MONSTRUOS UNIVERSITY"


Este sábado 26 de abril, a partir das 18:30 horas, cine no Auditorio Municipal do Rosal coa proxección da película de animación, Monstruos University.

Segundo se pode ler en Filmaffinity: "Mike Wazowski y James P. Sullivan son amigos inseparables, pero no siempre fue así. Cuando se conocieron en la Universidad, no se podían soportar, pero acabaron superando sus diferencias y se convirtieron en los mejores amigos. Precuela de la exitosa Monstruos S.A."

Velaquí vos deixamos o trailer.


23 abr 2014

CONFERENCIA PÚBLICA IMPARTIDA POR MARÍA PAREDES MARTÍNEZ




Informa: Jasmin Martínez Paredes

O Centro Cultural da Guarda acolle este venres 25 de abril, ás 20:00 horas, unha conferencia sobre o tema "Afrontar el proceso de muerte desde la felicidad ¡es posible!" a cargo de María Paredes Martínez, asesora psicoespiritual voluntaria.

María orienta, asiste e acompaña a pacentes e familiares no proceso de achegamento ao umbral da morte. Ademais é autora dos libros: Mi indescriptible camino. Una historia real; Recuerdo al olvido; El silencio del eco.

O acto, que conta coa colaboración do Concello da Guarda, é de entrada libre e gratuíto.

22 abr 2014

COMIDA DE CONFRATERNIDADE PARA CELEBRAR O XV ANIVERSARIO DE ACOR



Segundo se comunica dende a Oficina Municipal de Información Xuvenil e Animación Sociocultural do Rosal, o vindeiro domingo 11 de maio ás 14:00 horas, terá lugar no Restaurante Juan unha comida de confraternidade para conmemorar o XV Aniversario da Asociación de Comerciantes e Industriais do Rosal (ACOR), que preside José Martínez González (Pepe Berdeal).

Igualmente, ACOR está preparando a campaña do Día da Nai, celebrando un sorteo o xoves 8 de maio ás 20:30 horas no local da Asociación, consistente en dous baterías de cociña de cinco pezas, dous xogos de tres sartés e dúas sarténs "xira tortillas".

Máis información no teléfono 628 875 029.

16 abr 2014

O ESCRITOR ROSALEIRO JOSÉ MARTÍNEZ DE SOUSA PUBLICA NOVO LIBRO




Hai uns días foinos remitido á nosa Redacción a terceira edición do libro Ortografía y ortotipografía del español actual, da autoría de José Martínez de Sousa, recoñecido escritor, lexicógrafo e técnico editorial rosaleiro, afincado en Cataluña.


A obra, que está dedicada novamente á súa muller, Pili, consta de 560 páxinas, onde se propón introducir ao lector "en el conocimiento de la ortografía usual y al propio tiempo en el de la ortotipografía, es decir, la forma de expresar nuestros mensajes por medio de los elementos tipográficos".

Segundo Martínez de Sousa "el ordenador ha cambiado radicalmente nuestras costumbres comunicativas en el universo de lo gráfico. Poco a poco ha ido desapareciendo la carta personal, manuscrita, íntima y ha sido sustituida por el mensaje público, con letras de imprenta, despersonalizado, intercambiado con otros en un foro cualquiera de la Internet".

O rosaleiro José Martínez de Sousa é autor de máis dunha vintena de libros e foi, entre outros cargos, presidente da Asociación Internacional de Bibliología (AIB) ou da Asociación Española de bibliología (AEB), da que actualmente é presidente honorario.

O RIBERA, CAMPIÓN INVICTO, CONSEGUE O ASCENSO Á 1ª AUTONÓMICA



Dende Noticias O Rosal a nosa noraboa ao equipo infantil da U.D. Ribera de fútbol, que como se pode ler na súa web, completou unha "magnifíca temporada" ao proclamarse campión sen perder ningún partido e logrando desta maneira o ascenso á 1ª Autonómica por primeira vez na súa historia.

Os nosos parabéns ao seu adestrador Sergio Rodríguez Teixeira e aos seus porteiros, Marcos López e David Telleira, que foron os cancerbeiros menos goleados. 

Destacar así mesmo que o "pichichi" da categoría foi Marco Villa, que se proclamou máximo goleador con 51 goles.

9 abr 2014

O RIBERA INFANTIL XÓGASE O ASCENSO ESTE SÁBADO 12 DE ABRIL NA MATA



Información e fotografía: U.D. Ribera

Os infantís do U.D. Ribera xóganse o ascenso na última xornada de Liga fronte ao Erizana. A cita, este sábado 12 de abril ás 16:30 horas, no Estadio Municipal da Mata.

Despois dunha disputada temporada, a liga se decidirá na última xornada, este sábado. O Ribera encabeza a clasificación con 61 puntos (19 vitorias, 4 empates e 0 derrotas), mentras que o Gondomar ocupa a segunda praza con 60 puntos, a tan só un punto dos rosaleiros.

O Ribera ten un complicado partido contra o Erizana, cuarto clasificado e que no partido de ida xa puso en problemas aos locais, con empate a un gol.

Unha vitoria contra o Erizada daría o título e o ascenso directo á 1ª Autonómica.

8 abr 2014

O NOVÁS E CONRAZONES ÚNENSE EN O ROSAL POR UNHA BOA CAUSA


Este sábado 12 de abril (19:30 horas) o Mecalia Atlético Novás despide no pavillón municipal do Rosal a Liga, xogando contra o BM Artabro e colaborando unha vez máis coa asociación solidaria Conrazones (dedicada "á axuda a familias e persoas en situacións de extrema necesidade").

Tal e como reza o cartel, dende o club de balonmán da vila animan a levar 1kg de alimentos "leite, conservas, aceite...", recibindo a cambio unha entrada gratis.

Unha vez remate o partido, varios xogadores e membros rosaleiros do Club Atlético Novás serán homenaxeados no II Recoñecemento ao Mérito Deportivo do Rosal 2014.

7 abr 2014

CAMIÑO DE SANTIAGO DENDE O ROSAL PARA MAIO E XUÑO DE 2014



O Concello do Rosal organiza unha peregrinación a Santiago de Compostela polo Camiño Portugués da Costa, que se realizará en tres fins de semana. Para máis información e inscricións poden contactar co Servizo de Información Xuvenil e Animación Sociocultural do Concello do Rosal (986 62 50 00).

CAMIÑO DE SANTIAGO DENDE O ROSAL

24 e 25 de maio
Día 24 de maio: Tramo O Rosal-Ramallosa
Día 25 de maio: Tramo Ramallosa-Chapela
31 de maio e 1 de xuño
Día 31 de maio: Tramo Chapela-Pontevedra
Día 1 de xuño: Tramo Pontevedra-Caldas de reis
7 e 8 de xuño
Día 7 de xuño: Tramo Caldas de Reis-Teo
Día 8 de xuño: Tramo Teo-Santiago de Compostela

Aproximadamente realizaranse 25 km cada día, excepto o 8 de xuño que será a chegada a Santiago de Compostela. Prazas limitadas.



CONSULTA DO CENSO PARA AS ELECCIÓNS AO PARLAMENTO EUROPEO



Informa: Concello do Rosal

Con motivo da celebración das Eleccións ó Parlamento Europeo o vindeiro 25 de maio de 2014, o Censo Electoral poderase consultar dende o 7 ao 14 de abrilambos inclusive, en horario de 8:00 a 15:00 horas no Concello do Rosal.

ACOR ORGANIZA UN CURSO DE MANIPULADOR DE ALIMENTOS EN O ROSAL



José Martínez González (Pepe Berdeal) / ACOR

A Asociación de Comerciantes do Rosal organiza un curso de manipulador de alimentos que terá lugar o vindeiro mércores 30 de abril, de 10 a 13:30 horas no Centro Social Polivalente.

As persoas interesadas poden anotarse no teléfono 628 87 50 29.

2 abr 2014

O ROSAL E O ATLÉTICO NOVÁS SOLICITAN SER SEDE DO SECTOR DE ASCENSO


Foto: Andrés Senra / Mecalia Atlético Novás

O Mecalia Atlético Novás vén de solicitar oficialmente ser sede do sector de Ascenso á "División de Honor Plata" do balonmán nacional.

Segundo se afirma dende o club rosaleiro "xunto ao formulario preceptivo que a Federación Española solicita, elaborouse un extenso dossier no que destacan as instalacións, oferta hoteleira e conexións coa nosa vila".


O Novás conta ademais, co apoio e colaboración do Concello do Rosal, para intentar albergar a dita fase no pavillón municipal os vindeiros días 2, 3 e 4 de maio.

A decisión final coñecerémola este luns 14 de abril.

¡Dende Noticias O Rosal a nosa noraboa ao Mecalia Atlético Novás por unha tempada deportiva fantástica e oxalá se xogue aquí o sector de ascenso! ¡Moita sorte!


O IV TORNEO DE FÚTBOL INFANTIL U.D. RIBERA CELÉBRASE O 19 DE ABRIL


O IV Torneo de Fútbol Infantil U.D. Ribera celebrarase o vindeiro sábado 19 de abril no Estadio Municipal de A Mata (O Rosal), de novo con equipos de primeiro nivel.

Tal e como reza o cartel disputarán este campionato: Coruxo F.C., Porriño Industrial F.C., C.D. Areosa, Pontevedra C.F., Sporting Guardés, R.Deportivo da Coruña, E.F. Lalín e o anfitrión, a U.D. Ribera.





1 abr 2014

REPORTAXE FOTOGRÁFICA DA XIII EDICIÓN DAS ANDAINAS POR O ROSAL



Velaquí vos deixamos o enlace á reportaxe fotográfica realizada polo guía cultural Juan Ramón Martínez Barbosa, con motivo da XIII edición das Andainas "O Rosal. Coñece o teu concello", que tivo lugar o pasado 15 de marzo deste 2014.

Lembramos que esta última camiñata percorreu o tramo do Vial, levando aos participantes por Lagos, Carrascal, Pías, Morán, San Xoán de Tabagón e mesmo polo Sendeiro de Pescadores do Río Miño-Tamuxe.

A próxima andaina organizada polo Concello, a número 14, terá lugar o vindeiro sábado 10 de maio.

O ROSALEIRO JAVI DÍAZ, NO TOP 5 DOS GARDAMETAS DA LIGA ASOBAL

Foto: Villa de Aranda

O porteiro de Fornelos, Javi Díaz, que milita no Club Balonmano Villa de Aranda, na máxima categoría do balonmán nacional, a Asobal, é noticia tras a súa gran actuación fronte ao Helvetia Anaitasuna. 



Segundo lemos no perfil de facebook do Villa de Aranda o rosaleiro está "en la cuarta posición de la clasificación de porteros, con una media del 29'06 %", con 256 paradas.

CONVOCADA A VIII EDICIÓN DO CERTAME FOTOGRÁFICO "VIAXANDO"


Na fotografía retrospectiva, de esquerda a dereita, a responsable da OMIX do Rosal, Silvia Baquero Pereira; o da OMIX de Salceda, Humberto Rey; a gañadora de 2008, a rosaleira Mª Esther Álvarez e a concelleira de Mocidade de Salceda, Teresa Pérez.

A Oficina Municipal de Información Xuvenil do Concello do Porriño, convoca para este ano 2014 a 8º edición do Certame fotográfico "Viaxando".
O obxecto de dito certame é a promoción de actividades varias para mozos/as dentro dun traballo en rede que veñen realizando conxuntamente varias OMIX pertencentes á Rede Galega de Información Xuvenil de Galicia (O Porriño, A Guarda, Baiona, Gondomar, Tomiño, Salceda de Caselas, O Rosal) e o Espazo Xove de Tui.

TEMÁTICA
- A temática das fotografías a presentar versará sobre calquera aspecto relacionado cas viaxes realizadas polos mozos/as participantes, primando a idea que emana do propio nome do concurso ”Viaxando”.

PARTICIPANTES E FOTOGRAFÍAS
- Participarán en concurso único, mozos e mozas de entre 12 e 35 anos. Cada participante pode presentar unha única fotografía. As fotografías presentadas poderán ser en cor ou branco e negro, presentaranse en papel fotográfico cun tamaño de 25x30 , sempre pegadas sobre unha cartulina negra DIN A3.
- A fotografía deberá ser orixinal, inédita e non ter sido premiada nin recoñecida ou seleccionada noutros certames. Asemade, deberán estar libres de dereitos que poidan posuír terceiros.
- As fotografías presentadas nas que aparezan menores de idade concursarán baixo a responsabilidade do autor/a.

FORMA DE PRESENTACIÓN
- A fotografía entregarase en sobre pechado coa indicación VIAXANDO no exterior da mesma. Cada fotografía levará no dorso o pseudónimo do autor/a e o título de dita fotografía. Acompañaranse con outro sobre pechado co pseudónimo do autor/a escrito por fora e, no seu interior, os seguintes datos: o nome e apelidos, enderezo, teléfono e fotocopia do DNI ou tarxeta de residencia.

LUGAR E PRAZO DE ENTREGA
- As fotografías entregaranse nas instalacions das OMIX do Porriño , A Guarda, Baiona, Gondomar, Tomiño, Salceda de Caselas, O Rosal e no Espazo xove de Tui nos seús horarios de atención ó público. O prazo comezará dende o día seguinte ao da publicación das presentes bases no B.O.P. e rematará o 15 de setembro do 2014.
- Cando a fotografía se presente por correo ou en calquera outro lugar dos previstos no artigo 38.4 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común, o remitente deberá de comunicalo por fax ou telegrama ó concello correspondente ou Espazo Xove de Tui, o mesmo día no que a presente.

XURADO E FALLO
- O xurado estará composto por membros da Concellaría de Mocidade do Concello do Porriño, ou persoas nas que deleguen, en número impar. O fallo do xurado darase a coñecer nos medios de comunicación, ademais de comunicarse persoalmente ao gañador por teléfono. Dito fallo farase público o 2 de outubro do 2014.
Previamente a esta data, o xurado será nomeado mediante resolución da Alcaldía.

PREMIO
- Concederase un único premio consistente nunha Tablet valorada en 236,85 euros.

EXPOSICIÓN
- Coas fotografías presentadas a concurso realizarase unha exposición itinerante que percorrerá as OMIX e o Espazo Xove de Tui que forman parte deste traballo en rede, inaugurandose oficialmente no Concello do Porriño o luns 6 de outubro ás 20:00 horas.

DEREITOS PATRIMONIAIS DE EXPLOTACIÓN DA FOTOGRAFÍA PREMIADA
- De conformidade co previsto na Lei de Propiedade Intelectual, o autor da fotografía premiada, sen prexuízo dos dereitos morais que lle corresponden, cede ás Omix que levan a cabo este traballo en rede e o Espazo Xove de Tui co carácter de exclusividade, os dereitos patrimoniais de explotación da fotografía gañadora.

OBRAS NON PREMIADAS
- A presentación dunha fotografía a este concurso supón a autorización expresa da súa reprodución en calquera formato que se estime necesario para a divulgación do concurso ás OMIX e ó Espazo Xove de Tui que forman parte deste traballo en rede, especialmente no referido á súa promoción, difusión, comunicación e exhibición, incluídos exposicións, catálogos e páxinas web.

- As obras non premiadas poderán ser devoltas a petición dos seus autores, sempre pola súa conta no mes de novembro de 2015, perdendo os seus dereitos no caso de non facelo. No caso de solicitar a devolución por axencia de transporte, devolveranse a portes debidos.

ACEPTACIÓN DAS BASES

- A participación neste certame supón a aceptación total das presentes bases e fallo do Xurado. O Xurado queda facultado para dirimir calquera eventualidade non prevista nelas.
- O xurado poderá declarar deserto o premio.

CURSO DE INFORMÁTICA NO CENTRO SOCIAL POLIVALENTE DO ROSAL



O vindeiro luns 7 de abril comezará no Centro Social Polivalente do Rosal un Curso de Informática dirixido a persoas que teñan coñecementos básicos na materia.

Celebrarase os luns e mércores de 10 a 11:30 horas, cun total de 9 horas. O prezo será de 12 euros.

Se estás interesado/a podes contactar co Servizo de Información Xuvenil e Animación Sociocultural do Concello do Rosal, chamando ao teléfono 986 62 50 00.