Punto de partida da andaina. Rotonda e comezo do vial na Gándara, nas inmediacións da Fonte Bieita.
O sábado 15 de marzo, terá lugar a XIII edición das Andainas "O Rosal. Coñece o teu concello", que se celebran na nosa vila dende xaneiro do ano 2011.
Desta vez, o punto de encontro e saída -15:30 horas- será dende Fonte Bieita (A Gándara-A Guarda) para xa coller o tramo do Vial, que levará aos participantes por Lagos, Carrascal, Pías e O Morán ata as inmediacións da Adega Valmiñor, na Portela.
Durante esta andaina, cuxa distancia total será duns 12 km e unhas 3 horas de duración, visitarase tamén a parroquia de San Xoán de Tabagón e percorrerase o Sendeiro de Pescadores do Río Miño-Tamuxe, homologado pola Federación Galega de Montañismo (PR-G 112).
Segundo se lembra dende o Concello:
"Quen desexe anotarse nesta actividade gratuíta pode facelo chamando ao teléfono 986 62 50 00 deixando o seu nome e número de contacto, por se houbese algún cambio na programación ou mesmo aprazamento debido a condicións meteorolóxicas".
Durante esta andaina, cuxa distancia total será duns 12 km e unhas 3 horas de duración, visitarase tamén a parroquia de San Xoán de Tabagón e percorrerase o Sendeiro de Pescadores do Río Miño-Tamuxe, homologado pola Federación Galega de Montañismo (PR-G 112).
Segundo se lembra dende o Concello:
"Quen desexe anotarse nesta actividade gratuíta pode facelo chamando ao teléfono 986 62 50 00 deixando o seu nome e número de contacto, por se houbese algún cambio na programación ou mesmo aprazamento debido a condicións meteorolóxicas".
Para estas andainas recoméndase levar roupa cómoda e calzado axeitado, así como gorra, protección solar e auga".
0 comentarios:
Publicar un comentario