Nenos e nenas do CPI Manuel Suárez Marquier visitaron a Casa do Concello

O pasado mércores 30 de marzo tivo lugar a visita de 23 nenos e nenas de 1º de Primaria do CPI Manuel Suárez Marquier ao Concello do Rosal.

Alí foron recibidos pola concelleira de Cultura, Charo Tabales Perozo, quen unha a unha, amosou todas as oficinas municipais e explicou as tarefas que desenvolven os distintos funcionarios.

Os rapaces e rapazas coñeceron o Xulgado de Paz, os distintos departamentos, o Arquivo e aínda a Biblioteca Municipal.

Ao final da súa visita cada neno foi obsequiado cun libro de Natureza.