FAI CLIC E DESCUBRE O NOVO DESEÑO DA WEB CULTURAL NOTICIASOROSAL.ES

Noticias O Rosal estreou o 7 de marzo novo deseño e contidos. Este blog manterase na rede, de momento, ata novo aviso, como complemento á páxina web

A VILA DO ROSAL DESPIDE CON EMOCIÓN A JOSÉ MARTÍNEZ GONZÁLEZ "PEPIÑO BERDEAL"

O ex-funcionario do Concello do Rosal e presidente da Asociación de Comerciantes da vila, era un dos veciños máis apreciados dos últimos tempos

VITORIA DE GABRIEL MARCELLI EN LLEIDA NO CAMPIONATO DE ESPAÑA DE TRIAL

O piloto rosaleiro vence na categoría júnior na proba valedeira para o “Spa RFME Campeonato de España de Trial Individual 2015”

ACTO DE CLAUSURA DO CURSO DE MONITOR DE FÚTBOL BASE CELEBRADO EN O ROSAL

A Casa Consistorial acolleu a entrega de diplomas e clausura do Curso coa presenza dos coordinadores José Luis Mosquera e Manuel Mosquera.

MÁXIMA EXPECTACIÓN ANTE A CHEGADA DA SEXTA EDICIÓN DA CARPA CARNAVAL DE FORNELOS

Entre outros, actuarán dende o venres 13 ata o martes 17 de febreiro, nestas Festas de Entroido: Traffic House, Dj Carlie, Diego Mei, Vallejo, Micy Dj, etc

A PRAZA DO CALVARIO ACOLLEU A VISITA E RECEPCIÓN DOS REIS MAGOS DE ORIENTE

As Súas Maxestades estiveron durante horas na vila do Rosal repartindo multitude de agasallos a pequenos e maiores, entre eles, libros e lambetadas

A ROMARÍA DE SAN MARTIÑO 2014 EN O ROSAL CELEBROUSE O DOMINGO 30 DE NOVEMBRO

A saída do Santo en procesión dende a igrexa parroquial de Santa Mariña, na Praza do Calvario, ata a súa ermida, foi ás 10:30 horas.

O PILOTO ROSALEIRO GABRIEL MARCELLI PROCLÁMASE TRICAMPIÓN DE ESPAÑA DE TRIAL

Gabriel Marcelli Carballido adxudícase o título tras vencer en Cabanillas de la Sierra (Madrid). Tamén consegue ser Campión Galego por quinta vez.

PRESENTACIÓN DA SEGUNDA EDICIÓN DO EVENTO DEPORTIVO “15K DEL ATLÁNTICO”

A carreira e a andaina 15k del Atlántico celébranse este domingo 5 de outubro percorrendo os concellos de Oia, O Rosal e A Guarda

O ESPECIALISTA DEFENSIVO ARKAITZ VARGAS FICHA POLO ACANOR ATLÉTICO NOVÁS

Na imaxe da presentación, Manolo “Campelo”, Moncho Vicente, Andrés Senra, Daniel Martínez, Arkaitz Vargas, Roberto Fernández e Modesto Augusto

ÉXITO TOTAL DA I EDICIÓN DA ANDAINA E CARREIRA “10K O ROSAL. FEIRA DO VIÑO”

Na imaxe, os gañadores absolutos da carreira 10k O Rosal Feira do Viño. No máis alto do pódium, Nuno Costa e Paula Mayobre. Más info neste enlace.

OS COORDINADORES DO 10K O ROSAL, ENTREVISTADOS NA RADIO MUNICIPAL DE TUI

Os rosaleiros Juan Ramón Martínez Barbosa, Óscar Vicente Rodríguez e Serafín Martínez Acevedo falaron da andaina e da carreira nos estudos da RMT

REPORTAXE FOTOGRÁFICA DA XIV ANDAINA “VAL DO ROSAL. O PARAÍSO DENDE AS ALTURAS”

Na imaxe, os participantes desta andaina, que visitaron o punto máis alto da vila, nos montes do Campo do Couto e os petroglifos próximos á Fonte do Home.

NOVA VITORIA DE GABRIEL MARCELLI CARBALLIDO NO CAMPIONATO DE ESPAÑA DE TRIAL

O piloto rosaleiro, imparable, é o favorito para facerse -por terceira vez- co Campionato de España de Trial. As próximas citas, Vila de Cruces e Andorra.

O ROSAL E O ATLÉTICO NOVÁS QUEREN FACER HISTORIA, por Juan Ramón Martínez Barbosa

Artigo do director de Noticias O Rosal, onde fala da Fase de Ascenso á División de Honor Prata do balonmán nacional que se celebra os días 2, 3 e 4 de maio

DEPORTISTAS E CLUBS, HOMENAXEADOS NO II RECOÑECEMENTO AO MÉRITO DEPORTIVO

O pasado sábado 12 de abril o Auditorio Municipal acolleu os premios aos mellores deportistas e clubs da vila. Na imaxe, autoridades e homenaxeados.

REPORTAXE FOTOGRÁFICA DA XIII ANDAINA O ROSAL. COÑECE O TEU CONCELLO

A vindeira andaina deportivo-cultural pola vila do Rosal celebrarase o vindeiro sábado 10 de maio, con saída dende o Alto da Portela (Marzán)

O 12 DE ABRIL CELÉBRASE O II ACTO DE RECOÑECEMENTO AO MÉRITO DEPORTIVO DO ROSAL

Na imaxe de 2011, na I edición, Gerardo Álvarez (ciclismo), Manolo Armán (balonmán) e Félix Piñel (atletismo) reciben os premios “Mención de Honra”.

ACTUACIÓN DO GRUPO ADREDDE NA FESTA DE ENTROIDO 2014 DE FORNELOS (O ROSAL)

O sábado 1 de marzo achegámonos ata Fornelos para ver en directo a animada actuación do Grupo Adredde e comprobar o ambientazo de Entroido

O LIBRO “MOLINOS” PRESÉNTASE EN PONTEVEDRA CON MENCIÓN ESPECIAL PARA O ROSAL

A nosa vila estivo representada polo alcalde, Jesús Mª Fernández Portela, así como por Tamuxe e Juan Ramón, autores do libro da historia dos Muíños do Folón-Picón

O ENTROIDO DE FORNELOS 2014, SERÁ, SEN DÚBIDA, DOS MÁIS ESPECTACULARES DA HISTORIA

Impresionante programa de Festas, con orquestras e grupos musicais, actuacións para nenos, Corrida do Galo, Frixidelas e como non, a 5ª edición da CARPA.

O ROSAL HOMENAXEA AO CICLISTA RAÚL FERNÁNDEZ, CAMPIÓN DE GALICIA E DE ESPAÑA

Na imaxe, Raúl Fernández na compaña dos seus compañeiros e directivos do Club Ciclista O Rosal, na recepción ofrecida no Concello.

RAÚL FERNÁNDEZ PROCLÁMASE EN CASTELLÓN CAMPIÓN DE ESPAÑA DE CICLOCROSS

Na imaxe, Raúl, flanqueado á esquerda polo exciclista profesional Serafín Martínez Acevedo e á dereita polo triatleta internacional, Óscar Vicente Rodríguez.

PROXIMAMENTE ANUNCIARASE A DATA DA II RUTA GUIADA ORGANIZADA POR NOTICIAS O ROSAL

A I Ruta Guiada Noticias O Rosal levou aos participantes a coñecer todos os segredos da ruta e historia dos emblemáticos Muíños do Folón e do Picón.

OS REIS MAGOS REPARTEN AGASALLOS A CENTOS DE NENOS/AS EN O ROSAL

Reportaxe fotográfica (máis de 300 imaxes) da visita e recepción na vila do Rosal de Melchor, Gaspar e Baltasar.

NOVO CONXUNTO DE GRAVADOS CRUCIFORMES NO LUGAR DAS CORTES

O historiador rosaleiro Xoán Martínez Tamuxe fala no seu blog deste achádego, recreación da cruz cristiá (séculos IV-V d. C.)

SERGIO RODRÍGUEZ, NETO DO CABAQUEIRO MANUEL "TRINTIÑA", INAUGURA “O BAR DO TRINTA"

Na imaxe, Serafín Martínez Acevedo (exciclista profesional e emprendedor deportivo), con Sergio (xerente do Bodegón-Tapería Os Seixiños. O Bar do Trinta).

TABAGÓN EN FESTAS (DÍAS 29, 30 E 31)

EN PROBAS

EN PROBAS

30 ene 2011

Entrevista a Sergio Alonso e Zaira Solla


A parella rosaleira Sergio Alonso e Zaira Solla embarcarase este ano 2011 nunha trepidante aventura. Esta consistiu en primeiro lugar na creación do equipo de rallys Alonso30 Competición, baixo a escudería Racing Sport, para, se é posible, participar na Copa Kumho Senior, proba valedeira para o Campionato Galego.

Cun atractivo, fiable e prometedor Peugeot 106 Rally a bo seguro darán espectáculo a raudais e intentarán realizar un digno papel no seu primeiro ano nesta competición.

Reunímonos con Sergio (piloto) e Zaira (copiloto) no seu piso, en plena Praza do Calvario, na parroquia de Santa Mariña do Rosal, para saber máis do seu novidoso proxecto e as sensacións que teñen, uns meses antes de comezar a temporada en Galicia.


Boas tardes aos dous e graciñas dende Noticias O Rosal por concedernos esta pequena entrevista, xa que desta maneira coñeceremos un pouco mellor o mundo do motor, todo o que rodea aos rallyes, máxime na comunidade galega.

SERGIO ALONSO TREINTA, PILOTO (Novás, 27-I-1986)


-Sergio, temos entendido que esta será a túa quinta temporada no mundo dos rallys (as catro primeiras como copiloto e esta, a de 2011, xa como piloto), ¿como comezou esta afección?
Pois xa dende pequeno, a verdade. Sempre me gustaron os coches, e cando puiden, aos 16 anos, fun a ver a miña primeira carreira, o Rías Baixas. Saquei o carné aos 18 e claro, me interesei aínda máis polos rallyes, bueno, realmente non me perdía un (risas).


-¿Que te levou a dar este paso, o de cambiar de asento, e poñerte agora aos mandos do volante do voso Peugeot 106?

Dende que en maio de 2007 tiven a sorte de comezar neste mundo, como copiloto de Iván Gómez Álvarez, de Martín, a bordo dun Citroën Saxo VTS Grupo A, na coñecida proba do Rally Rías Baixas -no Campionato de España-, sempre souben que o que quería era conducir o meu propio vehículo.

-¿En que probas participaste nesa túa primeira temporada?
No citado Rally Rías Baixas e no Rally de Ferrol, probas pertencentes ao Campionato de España de Rallyes e outra valedeira para o Campionato de Portugal, o Rally Albariño.

 

-¿E que tal vos foi nesa experiencia? ¿O coche respondeu?
Como estábamos comezando o importante era remata-las carreiras, cousa que conseguimos en dúas das tres que disputamos. Na primeira, quizais polos nervios e que ías un pouco a cegas, sufrimos unha avaría e non puidemos finalizar a proba. Logo tanto en terras ferrolás como no Rally do Alvhariño en Monçao (Portugal), foinos ben, o coche non fallou e rematamos como o cuarto equipo español mellor clasificado.



-¿Sempre competiches como copiloto con Iván e o Saxo VTS?

Con Iván e nese mesmo vehículo, disputei en 2008 varias probas do Campionato Galego Volante RACC (Rally de Noia-A Coruña, Rally Sur do Condado-Salvaterra, Rally Ourense Baixa Limia….)

Dende 2009 comecei de copiloto de Juan Pablo Barrio Lorenzo, de Domaio (Moaña), a bordo dun Clío Sport Grupo N, facendo moi boas probas, destacando por exemplo o noso terceiro posto do Grupo N-3 no Rally do Albariño.

ZAIRA SOLLA RODRÍGUEZ, COPILOTO (A Cachada-Marzán, 25-XI-1990)



-Zaira, ao igual que Sergio -e en verdade, sorprendidos- preguntámoste polos teus comezos no mundo do motor e os rallys. ¿Como xurde esta paixón?

Pois mira, iso xa me vai na sangue (risas). O meu pai era moi afeccionado ao mundo dos rallyes e claro comecei a ir a miralos cando era moi pequena, cando tiña máis ou menos 10 anos.

-¿Xa con dez aniños?

Si, fun coa miña nai e uns amigos ao Campionato de España de Rallys de terra, que precisamente rematou nas inmediacións da coñecida adega Terras Gauda. Eu, como digo, era pequena e para ir aos rallys tiña complicado asistir, pero a miña nai intentaba levarme aos máis próximos (Rías Baixas, Subida a Oia…)

Con 18 anos comezo con Sergio e prosigo coa miña afección ao mundo do motor. Agora xa viaxando por Galicia e Asturias, intentando seguir as máximas probas posibles.

-“¿Se me compro un coche ves comigo de copiloto?” Esta foi a pregunta -máis que directa- que lle realizou Sergio a Zaira.

¡Eu non mo cría!, pensei: “¿Estaramo dicindo en serio?..”, ata que vin que el comezaba a interesarse por un vehículo adecuado para competir. Entón aí xa vin que a cousa si ía en serio e puxémonos a buscar un coche que nos gustara aos dous e a adestrar en condicións.




-¿Como e por que vos decantáchedes polo Peugeot 106 Rally?

Tiñamos en mente varios modelos e si que nos tiraba un pouco a marca Peugeot. Para comezar, informámonos ben en páxinas webs especializadas e consultamos a varios profesionais do motor. Despois de buscar moito e pensar todas as posibilidades ao final gustounos este Peugeot 106 Rally, xa a primeira vista. Comprámolo en Asturias a un recoñecido equipo de Mieres. É un coche fiable: pequeno, estable, rápido, manexable… sen dúbida, moi competitivo.


-¿Que diferencia hai dun coche de rally a un turismo ordinario?

Un coche de rallys vén preparado cun sistema de seguridade moi distinto aos coches de rúa. En primeiro lugar, teñen barras antivolcaxe (vuelco), que están por todo o coche: polos laterais, polo teito… tamén contan con asentos especiais e específicos (baquets), cintos de seguridade (arneses)…. Vén equipado con varios extintores: un é manual, que está aos pés do copiloto e outro é automático, que se atopa ao alcance de piloto e copiloto. ¡Uff! ¡Moitísimas cousas!


-Temos constancia dende Noticias O Rosal que hai varios pilotos rosaleiros disputando carreiras de rallys en Portugal. ¿Por qué vos decidíchedes entón polo Galego?

Sabemos que ao Campionato Galego asiste moitísimo público das catro provincias, xente que vén da propia Portugal, e por suposto coñecida nosa, polo tanto teríamos máis afección apoiándonos. Ademais, compites na túa terra. Son rallys máis completos, máis quilómetros cronometrados.

Recoñecemos que o Galego ten un custo superior ao Campionato Portugués, pero, a verdade, é non é por nada, preferimos correr en Galicia e non en Portugal, por iso de que somos da terriña.

-¿Por qué a Copa Kumho?

Porque dentro do Campionato Galego de Rallys existen varias copas de promoción e está é unha das máis atractivas e na que podemos competir con opcións a facer un bo papel, xa que cumprimos todos os requisitos, isto é:

a) O coche ten un motor 1600 cc

b) Pola miña idade –afirma Sergio- case competiríamos na Junior, pero finalmente participaremos na Copa Kumho Senior, xa que é para maiores de 25 anos.

c) Podemos loitar contra outros pilotos que corren nas nosas mesmas condicións, isto é, con vehículos moi similares en cuanto a motor, rodas…



-¿Quen organiza esta Copa Kumho do Campionato Galego de Rallys?

Pois a organizadora é a Federación Galega de Automobilismo coa ASR TYRES, S.L., tendo o apoio e colaboración da Consellería de Presidencia da Xunta de Galicia e a Secretaría Xeral para o Deporte.


-¿Cal é a primeira proba á que tedes intención de asistir se logrades conseguir os suficientes patrocinadores para este proxecto? ¿Cantas disputaríades neste 2011?

A primeira proba será o 12 de marzo, cando se celebre o XVII Rally do Cocido, en Lalín. O Campionato consta de nove: en abril, o Rally Ría de Noia, en maio, o Rally comarca de Ulloa, en xuño o Rally Cidade de Narón, en xullo o Rally Condado-Gedas, en setembro, o Rally San Froilán, en outubro o Rally Ourense-Baixa Limia, en novembro o Rally Botafumeiro e xa en decembro, o Rally do Albariño.

-¿Contades con equipo mecánico ou de apoio?

Si, por suposto. Contamos cun experimentado equipo que xa ten participado en varios Campionatos de Galicia e de España de Rallys.

Entre outros están: Enrique Moreira, o noso electromecánico, que se encargará do sistema eléctrico e dos problemas que puidera sufrir o coche; Fernando Álvarez, mecánico, centrarase en temas concretos do motor e o coche en xeral; dous axudantes de mecánico, Jonathan Martínez e Jorge Treinta, así como moitos máis asistentes e colaboradores en diferentes ámbitos que se unirán se o proxecto definitivamente vai adiante.



-¿Canto fai falta para que poidades cumprir o voso sono de poder participar alomenos na primeira proba de marzo?

Contando que temos que comprar as rodas regramentarias da Copa kumho (204 € a unidade), sacar as correspondentes licenzas (300 € o piloto e 180 € o copiloto, e a asistencia, 80 €), ademais do seguro (500 €), calculamos que o presuposto necesario para cubrir a nosa primeira proba sería ao redor dos 3000 euros, pero claro está, que a partir do primeiro rally xa non hai gastos como eses da licenza, seguro, etc.

Así que para cada rally teríamos que dispor de polo menos 600 euros, xa que a inscrición ten un custo de 330 euros e xa só en gasolina precisamos outros 200 euros. E bueno, despois gastos de adestrar, comer, durmir, a peaxe das autopistas, etc.

-¿Tedes algún tipo de subvención? ¿Contades con algún presuposto para comezar?

Pois é unha mágoa pero non temos subvención algunha. Iso si, dende hai tempo abrimos unha conta na que ingresamos cada mes certa cantidade, para aforrar para os gastos do equipo. A nosa ilusión, sería que algunha empresa ou empresas do Rosal ou do Baixo Miño nos axudaran neste proxecto. Cremos que sería unha boa oportunidade para calquera patrocinador, xa que a súa empresa iría rotulada no propio coche, disporemos en breve dunha páxina web do equipo onde se poñería tamén a súa publicidade, canal con todos os nosos vídeos en Youtube, enlaces a outras páxinas do motor, etc.


-¿Cal sería entón o impacto mediático e publicitario da vosa participación? ¿Qué gaña unha empresa ou institución se vos axuda no voso proxecto?

Primeiro que a publicidade que xeraríamos chegaría a toda Galicia, a gran parte de España e aínda de Portugal, xa que a cada rally asisten miles de persoas de todos os puntos da xeografía nacional e aínda da lusa.

Se finalmente algunha empresa nos axudara un pouquiño, xa tivemos o primeiro contacto co representante dun equipo de prensa acreditado, que seguirían paso a paso a nosa andaina por todas as probas da Copa Kumho.

O coche e a súa publicidade aparecerá en miles de fotografías en toda a Rede, centos de vídeos nas páxinas de motor, varias aparicións en programas de TV, e presenza continua nas revistas especializadas. E claro, se facemos un bo papel a repercusión sería moito maior.

Temos a intención tamén de facer camisetas e todo tipo de “merchandising” co logotipo do equipo e os patrocinadores para distribuílos nos rallys e a través da nosa propia web, que estará enlazada ás principais páxinas e blogs do motor galego e nacional.

-Pois ata aquí chegamos. Fin do primeiro tramo. Dende Noticias O Rosal brindámosvos o noso humilde e incondicional apoio nesta nova experiencia deportiva. E tan só nos queda darvos novamente as grazas por atendernos e desexarvos moita sorte e animar a empresarios e institucións a que tamén colaboren con vós neste proxecto para o Campionato Galego de Rallys. ¿Queredes deixar algún teléfono de contacto ou algunha mensaxe máis?

Pois si, agradecidos. Todas aquelas persoas ou patrocinadores que desexen axudarnos de calquera forma ou queiran máis información deste proxecto poden contactar con nós nestes teléfonos e correo electrónico:

Sergio Alonso Treinta (piloto): 620 110 776

Zaira Solla Rodríguez (copiloto): 699 724 114

E-mail do equipo: s.alonso_30@hotmail.com

E nada máis, dende Alonso30 Competición, moitas grazas de verdade pola oportunidade que nos brindades de dar a coñecer un pouco máis o noso proxecto deportivo neste apaixonante mundo dos rallys e esperamos deixar ben alto o pavillón do Rosal e o Baixo Miño alá por onde vaiamos.

FIN DO PRIMEIRO TRAMO
Praza do Calvario, 31 de xaneiro de 2011.

Obradoiro de Teatro Leído para maiores



Velaquí vos deixamos a última nota de prensa de Cruz Roja recibida na nosa redacción, que publicamos íntegra e literalmente:

Cruz Roja Española en el Baixo Miño iniciará en el próximo mes de febrero una nueva actividad, gratuita, para mayores de 65 años, denominada TALLER DE TEATRO LEÍDO. Esta actividad se desarrollará los martes y jueves en horario de 10.00 a 11.30, probablemente en el Recreo Artístico de A Guarda. Todavía hay plazas vacantes, por lo que los interesados deberán dirigirse a la Asamblea Comarcal de Cruz Roja en A Guarda para informarse o inscribirse.

El taller no pretende hallar o preparar buenos actores, sino proveer a los participantes de una serie de conocimientos, aptitudes y habilidades que mejoren sus relaciones con el medio que le rodea, lo cual se llevará a cabo mediante el juego y de forma lúdica. También se intentará desarrollar la expresión corporal para conocer el cuerpo y sus posibilidades como instrumento, para su desarrollo personal y como herramienta de conexión con el medio en que se desenvuelve el sujeto.

Los objetivos del taller de teatro leído son:

-Fomentar la capacidad para pensar, razonar, criticar o tener iniciativas (por ejemplo a través de improvisaciones, análisis colectivos de las escenas y los ensayos, aportaciones y modificaciones sobre la obra, etc.).

-Fomentar la comunicación. Debemos leer e interpretar lo leído, hablar con corrección, vocalizar y expresarnos con fluidez (se puede conseguir con lecturas dramatizadas y debate sobre el texto, vocalización, hablar en público, expresión oral y corporal, etc.).

-Finalmente la adquisición de habilidades de carácter social, por ejemplo, trabajar en grupos, desenvolverse en las relaciones interpersonales, organizar y planificar el trabajo colectivo y el individual (a través de ejercicios de desinhibición ante el público, dinámicas y trabajo en grupo, coordinación del trabajo de escena y los distintos papeles, diseño, planificación, organización, adquisición y ejecución del vestuario y los decorados, etc.).

Estas actividades se encuentran enmarcadas dentro de las acciones de envejecimiento activo que Cruz Roja desarrolla en la comarca de O Baixo Miño dirigidas a personas mayores.

Las personas interesadas pueden solicitar más información en:

Cruz Roja Baixo Miño
C/ Agustín Nandín Lomba, Nº bajo
En horario de 8:00 a 15:00 h y de 16:00 a 19:00 h.
Tfno: 986 61 46 09 / 606 348 471
E-mail: laguardia@cruzroja.es 

27 ene 2011

Rapaces do San Xerome e Avelaíña, en Lisboa



Un grupo de mozos e mozas dos Centros San Xerome e Avelaíña viaxaron, o xoves 27 de xaneiro, a Lisboa no marco do proxecto europeo: “JÓVENES CON EUROPA: UN DIÁLOGO DE PARTICIPACIÓN E IGUALDAD”. Alí participarán, ata o domingo día 30 de xaneiro, en diferentes actividades con mozos e mozas do Centro Cercipóvoa da localidade de Santa Póvoa de Iria, situada a 30 minutos de Lisboa.

O Proxecto consiste no achegamento de rapaces con discapacidade intelectual i enfermidade mental ás institucións democráticas, dende o ámbito local ata o europeo.

Os obxectivos son o coñecemento das institucións e o seu funcionamento, valorar as decisións que se toman con respecto á discapacidade e achegar as inquedanzas e propostas aos responsables das decisións.

Os participantes serán 16 rapaces e rapazas galegos e portugueses, coordinados dende o Centro San Xerome Emiliani, que tentarán que se escoiten as súas propostas para mellorar a súa realidade.

Nos próximos meses o grupo viaxará a Madrid e Bruxelas, grazas á concesión dunha axuda da Acción 1 “Juventud en Europa” do Ministerio de Sanidade e Política de Igualdade.

25 ene 2011

Vitoria do Mecalia Atl. Novás ante o Cisne BM



Segundo podedes ler no foro do Mecalia Atlético Novás, o encontro disputado no pavillón municipal o sábado 22 de xaneiro ante o Cisne BM foi un “partido de ida y vuelta, sin buen juego pero con gran emoción hasta el pitido final. La novedad fue que de nuevo se quedó Jacobo en el banquillo, que sigue aquejado de sus molestias, para ceder su puesto a Harris, y no salió enchufado el Novás que rápidamente se veía a remolque (1-4)”.

A crónica do partido segue incidindo en que “eran constantes los errores ante un acertado Toñi Lafuente. Rafa Gestido no tuvo su mejor tarde y el único que lograba batirlo era Ramón que sigue muy en forma”.



Recoñécese na web que “en defensa sufríamos para detener sus lanzamientos exteriores (la mayoría efectuados por Pachi) y los contraataques, provocados por nuestras pérdidas de balón”.

Importante decisión foi a que tomou o adestrador local: “Cambió el equipo Abel, sacó rápido a Manu en el central y en defensa pasó al 6-0 dando entrada a Marcos, reaccionando así el equipo, que le dio la vuelta al marcador para llegar con empate al descanso (12-12)”.

Sen embargo, afírmase que na segunda parte “sí salieron metidos los locales, que siguieron con el mismo 7 hasta el cambio de Manu por Pope”. Destacan que con “las paradas de Esteban, apoyado en la defensa que estaba muy metida, la ventaja fue de 4 goles”.

Ao final do partido un pouco de suspense xa que “unas malas decisiones arbitrales nos dejaron con cuatro jugadores”, pero que rematou con final feliz para os rosaleiros, logrando a vitoria por tan só un gol de vantaxe (26-25).

Sendeiro de Pescadores Río Miño-Tamuxe (día 5)



O sábado 5 de febreiro (en caso de mal tempo sería o seguinte) terá lugar a segunda etapa do programa “O Rosal. Coñece o teu concello” co percorrido polo Sendeiro de Pescadores Río Miño-Tamuxe, homologado pola Federación Galega de Montañismo (PR-G 112).

Lembrar que a primeira destas saídas mensuais, a de xaneiro, foi aos Muíños do Folón e Picón, con demostración de moenda e realización da ruta de sendeirismo incluída.

En febreiro, polo tanto, tócalle á senda que comeza na parroquia de Eiras e continúa pola marxe do Miño para subir pola desembocadura do Tamuxe ata o Muíño das Aceñas (pódese facer nos dous sentidos). A variada e rica flora, así como a fauna que habita neste Espazo Natural do Baixo Miño, fai posible a súa inclusión no proxecto europeo Rede Natura 2000.

Para participar nesta iniciativa (que é gratuíta e aberta a todo o mundo), dende o Concello do Rosal recomendan anotarse -a cada etapa- no Departamento de Cultura e de Turismo (986 62 50 00), deixando nome e teléfono de contacto por se hai calquera cambio no programa.

Comezarase desta vez, en principio, ás 15:30 horas, dende o Muíño das Aceñas e realizarase “percorrido dobre”, xa que se chegará ás Eiras e se volverá de novo ao punto de partida (Aceñas), en total 14’4 quilómetros, para pasear e gozar deste marabilloso e natural contorno.

24 ene 2011

José Manuel Cores Tourís visita O Rosal



O delegado territorial da Xunta en Pontevedra, José Manuel Cores Tourís, visitou o venres 21 de xaneiro as obras de execución de beirarrúas na PO-353 no concello, onde a Consellería de Medio Ambiente, Territorio e Infraestruturas investiu case 54.000 euros nos últimos meses.

Durante a visita, o delegado territorial estivo acompañado do alcalde da vila, Jesús Fernández Portela.

As obras, que acaban de rematar, consistiron na execución de 300 metros cadrados de beirarrúa con lousa hidráulica e máis abastecemento con ensanche de plataforma na travesía de Pancenteo, na estrada que une Fornelos con A Guarda.

O orzamento da construción destas beirarrúas foi de 53.483 euros e a empresa encargada da súa execución foi Escavacións Pérez.

A maiores, o delegado territorial, acompañado do alcalde do Rosal, aproveitou tamén para comprobar a obra recentemente rematada no campo de fútbol de A Mata no que se instalou un muro de contención co obxectivo de estabilizar a zona onde se atopa situado. Esta obra roldou os 58.000 euros e foi adxudicada á empresa Xérmolo.

22 ene 2011

Nace un novidoso equipo de rallies no Rosal



Os mozos rosaleiros Sergio Alonso Treinta e Zaira Solla Rodríguez crean o equipo de rallies ALONSO30 COMPETICIÓN. En breve publicaremos a nosa ENTREVISTA-REPORTAXE onde coñeceremos todo o referente ao seu ilusionante proxecto.

21 ene 2011

Cruz Roja Juventud organiza un novo curso



Neli Rodríguez // Asemblea Comarcal de Cruz Roja Baixo Miño

Segundo nota de prensa remitida á nosa redacción, Cruz Roja Juventud organiza un curso en Vigo para a incorporación de novos voluntarios ao seu proxecto "Sen Violencia-Convivencia" nas zonas do Baixo Miño.
A acción formativa que se vai a desenrolar é: mediador/a en prevención de condutas violentas de Vigo. Xa está aberto o período de inscrición e as prazas son limitadas.

Transcribimos literalmente dita nota de prensa:
"Cruz Roja Juventud en el Baixo Miño abre el plazo para la inscripción en el próximo curso de mediadoras/es en prevención de conductas violentas, que comienza el próximo 14 de Febrero de 2011.

Los destinatarios de esta acción formativa son jóvenes entre 18 y 35 años interesados en realizar actividad voluntaria en el proyecto Sen Violencia- Convivencia con población infantil y adolescente, en convenio con la Diputación Provincial.

Las características principales del curso de Mediadoras/es en prevención de conductas violentas, financiado por la Diputación Provincial, y que se celebrará en Vigo, son diploma de 80h repartidas en 50h teórico-prácticas y 30h prácticas. Las horas teórico-prácticas versan sobre los siguientes temas:

Justificación del programa; Psicología evolutiva; Acoso escolar; Derechos Humanos; Autoestima; Violencia; Violencia de Género; Habilidades sociales; Habilidades de comunicación; Resolución de conflictos; La Mediación; Manejo de grupos y Planificación de talleres.

Esta formación está enmarcada entre las acciones que el programa de Prevención de Conductas Violentas “Sen Violencia-Convivencia” viene desarrollando en convenio con la Diputación Provincial de Pontevedra desde el 2003. Entre las acciones desarrolladas destacan los talleres “Sen Violencia-Convivencia” de secundaria, los talleres “Veteri” de primaria, la intervención en resolución de conflictos en los centros de menores, charlas para familias y docentes, formación homologada para profesorado… además de la Jornada de Convivencia Escolar que se viene desarrollando año tras año en el Pazo de la Diputación Provincial.

La formación se desarrolla del 14 al 25 de febrero de 2011 en horario de 09:00h a 14:00h.

Para más información e inscripción los interesados podrán dirigirse a:

Asamblea Comarcal O Baixo Miño
r/ Agustín Nandín Lomba, 1 baixo
36780 A Guarda
Tlf: 986 61 46 09

Xeratrium, grupo de teatro do San Xerome


O grupo de teatro Xeratrium, do Centro San Xerome, estreará o venres 21 de xaneiro a peza “Saturday night” no Centro Cultural de Allariz, convidados por “PUZZLE (Asociación que loita contra a exclusión social e laboral das persoas con discapacidade).

Esta Asociación, constitúese como tal en Allariz a 20 de decembro de 2007 coa finalidade de mellorar a calidade de vida, desenvolvemento integral e inclusión social e laboral das persoas con discapacidade da súa zona de influencia.

Nesta peza o grupo Xeratrium representa a importancia dos valores da Educación Vial para a sociedade. No ano 2009, o grupo foi o gañador do 2º premio a nivel estatal do Certame convocado pola DXT coa mesma temática.

Dirixe a obra Irene Moreira (Xerpo Cultural), Iván Riveiro é o responsable do son, e estarán sobre o escenario de Allariz: Marcio Fernandes, Cecilia Riveiro, Maite Barros, Rosalía González, Maite Santos, José Ramón Senra, Víctor Villa e Isaac Álvarez.

Está previsto que no mes de abril, organizado pola ANPA e dentro das actividades do 30 aniversario do Centro, a obra se represente no Baixo Miño.

20 ene 2011

Últimas prazas para o Obradoiro de Memoria


O Servizo de Información Xuvenil e Animación Sociocultural do Rosal comunica que aínda quedan dúas prazas vacantes para participar no Obradoiro de Memoria para Maiores que en breve se celebrará no Centro Social Polivalente os martes e xoves de 17 a 18 horas.

Para máis información poden chamar ao teléfono 986 60 94 50.

Se estiveches en Francia, diríxete ao Polivalente



Dende a concellaría de Servizos Sociais do Rosal que dirixe Mª Carmen Alonso, recoméndase que todas aquelas persoas que traballaran en Francia, en calquera réxime (agrario, xeral, autónomo, complementario e viúvas) o tempo que sexa, se dirixan ao Centro Social Polivalente ou chamen ao teléfono 986 60 94 50 e pregunten pola Traballadora Social para ser informadas das novas medidas adoptadas por este país.

19 ene 2011

Cursos de Lingua Galega para o CELGA no Rosal



Cursos de lingua galega preparatorios para as probas do CELGA para particulares e no Concello do Rosal.

Convoca: Consellería de Educación.
 

Contido: convocatoria para solicitar participar en cursos de lingua galega preparatorios para as probas dos diferentes niveis do CELGA para particulares en Pontevedra e Vigo (no caso da provincia de Pontevedra) así como para a realización dun curso preparatorio no Concello do Rosal (que tería lugar, no caso de ser concedido, de luns a xoves de 20.00 a 22.00 horas dende o 11 de abril ao 15 de xuño).

Para obter a acreditación do nivel de coñecemento e dominio da lingua galega, as persoas interesadas terán que realizar as probas correspondentes en xuño de 2011. 
 

O día 1 de marzo sairá publicada na páxina www.xunta.es/linguagalega unha convocatoria específica de cursos en liña para preparar a proba do CELGA 1.

As datas dos exames serán os días 18, 19, 25 e 26 de xuño de 2011 para os niveis CELGA 4, 2, 3 e 1 respectivamente.
 

Prazo: o prazo para realizar unha instancia solicitando a participación nun curso preparatorio das probas do CELGA no Concello do Rosal rematará o día 28 de febreiro e a inscrición nas probas rematará o día 29 de abril de 2011. 
 

Máis información e inscricións no Servizo de Información Xuvenil e Animación Sociocultural do Concello do Rosal (986 609450).

Programa Emega: apoio á nova muller empresaria

Segundo se informa dende a Axencia de Emprego e Desenvolvemento Local da vila, a Consellería de Presidencia, Administracións Públicas e Xustiza oferta "subvencións para o apoio ao emprendemento feminino (Programa Emega)".

Obxecto: convocatoria de axudas para apoiar o emprendemento feminino e a consolidación de proxectos empresariais liderados por mulleres como medio axeitado para a súa promoción, participación e progresión no mercado laboral, a través das seguintes áreas de actuación:

-Área de actuación I: apoio á posta en marcha de iniciativas empresariais por mulleres en forma de primas básicas ao emprendemento, a través dunha achega económica que sirva de compensación ao esforzo económico do primeiro período de actividade e de estímulo para a creación de emprego feminino por conta allea.

-Área de actuación II: apoio á mellora de proxectos empresariais liderados por mulleres en forma de primas especiais que sirvan de incentivo para afrontar un proxecto de mellora caracterizado pola creación de emprego feminino estable e de calidade e a mellora da competitividade.

Beneficiarios:

- Área de actuación I: as mulleres que, partindo dunha situación de desemprego por un período mínimo de 3 meses, constitúan microempresas ou pequenas empresas, baixo calquera forma societaria, incluídas as sociedades civís e comunidades de bens.

- Área de actuación II: as empresarias autónomas, microempresas e pequenas empresas.

Prazo de presentación de solicitudes: ata o 18/02/2011. Máis información no Centro Social Polivalente (r/Cabaqueiros, 4) no teléfono 986 60 94 50.

18 ene 2011

Primeira proba do ano para José e Óscar Rguez



Texto: Roberto Valladares
Fotografías: Marcos Rodrigues
Vídeo: Joao Pedro Sousa - Rally Mania

O pasado sábado 15 de xaneiro celebrouse en Fafe (Portugal) o Rali de Montelongo, proba puntuable para o Open de Ralis, Trofeo Nacional de Clássicos, Campeonato Júnior, Campeonato Regional Norte e Campeonato Regional Nordeste.


Neste rali participou un equipo rosaleiro, con José Rodríguez como piloto e Oscar Rodríguez, copiloto. Unha tempada máis, co fiable Opel Corsa, que a pesares de ter varios sustos e de dar algún toque realizaron unha magnífica proba, logrando rematar en 19ª posición.


A vitoria foi finalmente para Antonio Rodrigues e Jorge Carvalho, cun Citroën Saxo Grupo A. Segundo foi o Peugeot 306 GTI de Rui Salgado e Luis Godinho, pechando o podium Fabricio Lopes e Pedro Vaz, cun Peugeot 206 GTI.


O máis destacado entre os pilotos galegos e primeiro clásico foron Germán Gómez e Venture Jiménez cun Porsche 911 Carrera RS.

Esta proba estivo marcada pola forte saída de pista no primeiro tramo de Jorge Santos e Isabel Branco cun Citroën Saxo S1600. Agardamos a súa pronta recuperación.


Curso de primeiros auxilios con maiores


Neli Rodríguez / Asemblea Comarcal de Cruz Roja Baixo Miño

Transcribimos literalmente a nota de prensa remitida á nosa redacción:
"Cruz Roja Española en el Baixo Miño convoca un curso de interés sanitario, dirigido a personas mayores de 16 años, que estén interesadas en adquirir conocimientos acerca de Primeros Auxilios.

 

El curso de Primeros Auxilios con Personas mayores, baremable para el SERGAS tiene una duración de 20 horas teórico – prácticas. Las fechas serán los días 12, 19 y 26 de Febrero de 2011.

 

El objetivo general es capacitar a los alumnos para desarrollar correctamente su actuación ante una urgencia, así como facilitar la adquisición de conocimientos y un nivel adecuado de formación en cuanto a los contenidos.

 

En su estructura el curso incluye los siguientes módulos:

a. El envejecimiento; b. Objetivos; c. ¿Qué es el socorrismo?; d. Pauta Generales de actuación ante una situación de emergencia; e. La cadena de supervivencia. Conceptos; f. Reanimación cardiopulmonar básica en adultos; g. Posición lateral de seguridad; h. Movilidad y manejo urgente de las víctimas; i. Exploración secundaria; j. Obstrucción de la vía aérea por cuerpo extraño; K. Hemorragias; l. Quemaduras; m. Electrocución; n. Heridas; o. Traumatismos; p. Intoxicaciones; q. Mordeduras y picaduras de animales; r. Urgencias médicas; s. El botiquín; t. Prevención de accidentes; u. Bibliografía.

La acción formativa se llevará a cabo en A Guarda y todas las personas interesadas pueden solicitar más información en Cruz Roja Baixo Miño, situada en la C/ Agustín Nandín Lomba, nº1 bajo o llamando a los teléfonos 986 61 46 09/ 606 348 471, en horario de 8:00 a 15:00 h y de 16:00 a 19:00 horas.

 

El plazo de inscripción acaba el 9 de febrero y el número de plazas es limitado. La realización del curso queda sujeta a que se cubra el número de plazas. El coste del curso será de 60 €".

Festas na honra de San Vicente, Marzán 2011


Os días 21, 22 e 23 de xaneiro celebraranse en Marzán (O Rosal) as Festas na honra de San Vicente 2011.

O venres 21, a partir das 18:00 horas, haberá unha GRAN ZORZADA E CHOURIZADA acompañada polo "Son Musical ELECTROSIL".

O sábado 22, ás 11 h. da mañá, Misa na honra de San Vicente. A partir das 17:00 horas, GRAN CALLADA CASEIRA. Ás 22 horas comezará a VERBENA a cargo da orquestra Mar Azul e o Grupo Niebla.


Na imaxe, o triatleta de Marzán, Óscar Vicente Rodríguez, lendo durante a Misa (2008)

O domingo 23, ás 8 da mañá, unha salva de bombas anunciará o comezo do DÍA GRANDE. Ás 11:30 horas, Misa na honra de San Vicente, con Sermón e Procesión, cantada pola CORAL DO ROSAL. De seguido procederase á SUBHASTA DE PRODUTOS TÍPICOS.

Unha gran tirada de fogos porá fin ás festas de San Vicente 2011. Dende a Comisión de Festas lembran que o recinto estará cuberto.

Primeira etapa: Ruta dos Muíños do Folón-Picón



O sábado 15 de xaneiro tivo lugar o primeiro percorrido turístico-cultural pola vila rosaleira dentro do programa “O Rosal. Coñece o teu concello”.

Un cento de persoas de toda a comarca do Baixo Miño asistiu ao curioso proceso de moenda no “Muíño das Laxes” cunha demostración “in situ” da conversión do millo en fariña para, de seguido, comezar a ruta polo Folón.




Lembrar que esta ruta dos muíños do Folón-Picón, está homologada pola Federación Galega de Montañismo, sendo considerados os seus enxeños “Ben de Interese Cultural” pola Xunta de Galicia (1998).

Segundo afirmou o alcalde do Rosal, Jesús Mª Fernández Portela “estes percorridos pola nosa vila realizaranse durante todo este ano 2011, os primeiros sábados do mes, para descubrir os aspectos culturais menos coñecidos do municipio e os nosos lugares máis pintorescos”. O Alcalde recoñeceu así mesmo que con estas rutas “tamén se pretende pasear, facer un pouquiño de sendeirismo, de deporte e como non, estar en contacto coa natureza”. Fernández Portela estivo acompañado nesta visita aos Muíños, pola concelleira de Turismo, Ángeles Vicente Manzano, o edil de Deportes, Ángel Martínez Villa e a responsable de Educación, Mabel Franco Pérez.

As oportunas explicacións sobre a ruta e a historia destas vellas construcións correron a cargo do guía municipal, Juan Ramón Martínez Barbosa, coautor con Xoán Martínez Tamuxe, do libro Os Muíños do Folón e do Picón na Vila do Rosal. Conxunto histórico-etnográfico de Galicia. 


Os participantes desta primeira “andaina” organizada polo Concello do Rosal descubriron todos os segredos que envolve este singular e numeroso grupo de muíños (67 enxeños hidráulicos: 36 no Folón e 31 no Picón) e gozaron das marabillosas vistas que ofrece o monte denominado Campo do Couto cara ao Val rosaleiro, a desembocadura do río Miño e Portugal.

A próxima cita, se o tempo o permite, será o sábado 5 de febreiro, co percorrido polo Sendeiro de Pescadores Río Miño-Tamuxe (7’2 km). A senda, que comeza na parroquia de Eiras, continúa pola marxe do Miño para subir pola desembocadura do Tamuxe ata o Muíño das Aceñas. A variada e rica flora, así como a fauna que habita neste Espazo Natural do Baixo Miño, fai posible a súa inclusión no proxecto europeo Rede Natura 2000.

Comezarase desta vez, en principio, ás 15:30 horas, dende o Muíño das Aceñas e realizarase “percorrido dobre”, xa que se chegará ás Eiras e se volverá de novo ao punto de partida (Aceñas), en total 14’4 quilómetros, para pasear e gozar deste marabilloso e natural contorno.


Para participar nesta iniciativa, dende o Concello do Rosal recomendan anotarse -a cada etapa- no Departamento de Cultura e de Turismo (986 62 50 00), deixando nome e teléfono de contacto por se hai calquera cambio no programa.

17 ene 2011

VI Galiexpo Motor Show, por Cristóbal Coímbra


Reportaxe fotográfica de Cristóbal Coímbra.

Os días 14, 15 e 16 de xaneiro tivo lugar no Ifevi de Vigo a sexta edición de Galiexpo Motor Show, que contou -entre outros- coa participación do vigués Jorge Casales (campión de Europa júnior de trial) e pola que pasaron miles de persoas.




O evento foi presentado o venres no concello vigués nun acto que contou coa presenza do tenente de alcalde, Santi Domínguez, a delegada da Xunta en Vigo, Lucía Molares, o responsable da organización, Ricardo Portabales e o mencionado deportista, Casales.

Galiexpo contou con zona de exposición de tunning, coches clásicos e motos, ademais de exhibicións e un "mercadillo" para compraventa de pezas e elementos relacionados co mundo do motor.

16 ene 2011

RM Río Miño nos medios de comunicación



Transcribimos literalmente esta nova nota de prensa remitida á nosa redacción por José Benito Guerreiro Álvarez:

"O Proxecto de Trazabilidade para a pesca do Río Miño segue avanzando e o equipo de promotores está traballando a reo para que, como moi tarde na primeira semana de marzo, sacar ao mercado as primeiras lampreas cun sistema de marcaxe tan innovador que permitirá comprobar que esas lampreas proceden do Río Miño aínda despois de cociñadas.

Algo moi importante para valorizar os recursos pesqueiros do Miño, que neste momento se atopa en plena campaña de pesca e, desta forma, diferenciar os peixes pescados no Miño doutros foráneos, que son introducidos no mercado como procedentes do Miño, cando en realidade non o son.

Solventadas as primeiras dificultades económicas, agora os promotores están en pleno proceso de desenrolo da tecnoloxía necesaria para poñer en marcha este proxecto e pouco a pouco van encontrando solución a todos os contratempos que van xurdindo.

As sensacións do equipo de traballo son moi boas, xa que son moitos os medios de comunicación que, despois da presentación oficial que se fixo no V Simpósio Ibérico sobre a bacía hidrográfica do Río Minho o pasado 20 de novembro en Vila Nova de Cerveira, están mostrando interese polos pasos que están dando para poñer en marcha este sistema de comercialización da pesca.

Ata agora, ademais da cobertura que lle están dando os diferentes medios dixitais da comarca do Baixo Miño, xa se realizaron entrevistas en diversos medios escritos: Radio Tui e Cadena Ser e nos próximos días darase unha cobertura maior na Radio Galega, TVG e TVE.

Estes serán os medios de comunicación nos que poderemos ver e escoitar máis información sobre este innovador proxecto:

O lunes 17 de xaneiro, en directo, no programa A Solaina da TVG a partir das 5 da tarde.

O lunes 24 de xaneiro unha unidade móvil da TVG desplazarase ata o pantalán de San Miguel de Tabagón e fará varias conexións en directo no programa A Revista e entrevistará a varios dos pescadores que están apoiando este proxecto.

En data aínda sen confirmar, ao longo do mes de xaneiro, un equipo de TVE, do programa Comando Actualidad, desprazarase ata a comarca do Baixo Miño para gravar un día de traballo dun pescador do Miño e tamén unha introducción ao sistema de trazabilidade que se porá en marcha a principios de marzo.

Sen dúbida algunha, esta e outras iniciativas que se irán poñendo en marcha nun futuro, están espertando un gran interese entre os medios de comunicación e isto non fai máis que confirmar o gran potencial económico que ten o Río Miño.

Innovación en tempos de crise para dinamizar a comarca do Baixo Miño".

14 ene 2011

Cruz Roja orienta sobre a búsqueda de emprego



Segundo nos comunica Neli Rodríguez, da Asemblea Comarcal de Cruz Roja Baixo Miño, esta entidade "retoma el proyecto dirigido a orientar, y crear hábitos relacionados con la búsqueda activa de empleo además de continuar con su punto de información y Orientación Laboral.
En breve se iniciará un taller de empleo en el cual trabajaremos los siguientes puntos: habilidades sociales para la búsqueda de empleo; factores que influyen en la búsqueda de empleo, la autoestima; cómo enfrentarse a una entrevista de trabajo y elaboración del currículum.

Las plazas de esta formación, de carácter gratuito, serán limitadas, pero en el caso de la existencia de gran demanda se crearía otro taller. Abriremos el plazo de inscripción el próximo lunes 17 de enero.

Además de este taller, la Asamblea contará con un Punto de Información y Orientación Laboral, en el cual continuaremos desarrollando las habilidades y ofreciendo los recursos necesarios para la búsqueda activa de empleo, así como acompañar y asesorar sobre la elaboración del currículum.

Para poder acercarse al Punto de Información Laboral, será necesario contactar y reservar una cita previa.

En los últimos meses, debido a la situación de crisis que afecta a nivel mundial, se incrementó el número de personas que perdieron su empleo, a eso se le une el número de personas que salieron de su país tratando de mejorar su situación intentando incorporarse al mundo laboral español.

Desde Cruz Roja, como entidad de carácter social se realiza una intensa labor con los colectivos más desfavorecidos, entre ellos los desempleados. Por todo esto pondremos en marcha las siguientes líneas de actuación:

• Facilitar el acceso a las nuevas tecnologías.
• Ofrecer asesoramento para la búsqueda de empleo.
• Fomentar hábitos constantes de búsqueda activa de empleo".

Para máis información poden dirixirse a:
Cruz Roja Baixo Miño
r/ Agustín Nandín Lomba, nº 1 Baixo.
Teléfono: 986614609 / 606348471

13 ene 2011

Bases do Concurso-Desfile de Entroido 2011

 
  "As fillas da Conexa", o pasado ano 2010
 
BASES

PRIMEIRA.- O Concello do Rosal convoca o tradicional concurso de carrozas, comparsas, grupos e disfraces individuais que se celebrará con motivo do Entroido 2011 o domingo, 6 de marzo, ás 11:30 horas.

O desfile percorrerá a rúa Ramón Franco (desde o cruce coa Lomba) e a rúa Julio Sesto (ata a rotonda da feira)

SEGUNDA.- A inscrición dos participantes farase no Rexistro do Concello, en impreso normalizado para este fin, ata ás 13:00 h. do mércores día 2 de marzo.

Xunto coa solicitude de inscrición, deberán achegar:
- Maiores de idade: fotocopia do DNI.
- Menores de idade: fotocopia do DNI da persoa que os represente e autorización para participar no concurso.
- Unha breve descrición do disfrace que se presenta a concurso.

As persoas que non presenten solicitude no rexistro xeral tamén poderán participar no desfile pero non terán opción a premio.

TERCEIRA.- As modalidades que poderán participar no concurso son:

- Carroza: Considéranse carrozas un grupo como mínimo de 6 persoas representando algún tema enriba dun móbil ( carro, tractor, motocultor. O condutor poderá ou non ir incluído, déixase a criterio dos participantes).
- Comparsa: Participarán no grupo un mínimo de 10 persoas.
- Grupo: Participarán un número de 3 a 9 persoas
- Individual: Fará constar o nome do disfrace e da persoa que se presenta
(inclúense nesta categoría, a parella de disfraces que pola súa condición requiran participar xuntos, e considérase incluído na categoría xuvenil-adulto, cando un deles teña máis de 12 anos).
Inclúense nesta categoría as modalidades de:
- Infantil, ata 12 anos
- Xuvenil-adulto, a partir de 13 anos

CUARTA.- A cualificación das carrozas, comparsas, grupos e disfraces individuais será determinada polo Xurado do concurso, que estará formado por un Presidente (a concelleira de cultura ou a persoa en quen delegue) e cinco vogais en representación das entidades socioculturais do Concello, que serán nomeados pola Concellaría de Cultura actuando como secretario/a o de menor idade.

QUINTA.- Cada membro do Xurado cualificará de 1 a 10 cada carroza, comparsa, grupo e disfrace individual participante. No suposto de empate, procederase a unha segunda puntuación.

SEXTA.- Concederanse os seguintes premios:

A) CARROZAS:

1º PREMIO……...…………………………………………………...…300 €
2º PREMIO …………………………………………………………….225 €
3º PREMIO …………………………………………………………….175 €

B) COMPARSAS:

1º PREMIO …………………………………………………………… 225 €
2º PREMIO ………………………………………………….…………200 €
3º PREMIO ………………………………………………….…………175 €

C) GRUPOS:

1º PREMIO……………………………………………………………. 175 €
2º PREMIO……………………………………………………………..125 €
3º PREMIO……………………………………………………………..100 €


D) INDIVIDUAIS:

INFANTIL:

1º PREMIO ………………………………………………………….…115 €
2º PREMIO ……………………………………………………………. 80 €
3º PREMIO ……………………………………………………………. 65 €

XUVENIL-ADULTO:

1º PREMIO ………………………………………………………….…115 €
2º PREMIO ……………………………………………………………. 80 €
3º PREMIO ……………………………………………………………. 65 €

Os premios poderán ser declarados desertos polo Xurado do Concurso.

SÉTIMA.- A entrega de premios terá lugar o mesmo día de celebración do Entroido: unha vez feita a avaliación polo Xurado, o secretario fará público o resultado, mediante a lectura da acta correspondente.

OITAVA.- A participación no concurso supón a aceptación de todas e cada unha das presentes bases, sendo a decisión do Xurado inapelable.

O Rosal, 11 de Xaneiro de 2011
O ALCALDE

Jesús Mª Fernández Portela